Advertisement
ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ---
ބަދަލު ހިފުމުގެ ރޫޙެއް ސަރުކާރުން ނުގެންގުޅުއްވާ ކަމުގައި ރައީސުލްޖުމްހޫރިއްޔާ ވިދާޅުވެއްޖެ
ވެވަޑައިގެންނެވި ވަޢުދާއި އެއްގޮތަށް މިސަރުކާރުން އެއްވެސް ފަރާތަކާއި މެދު ބަދަލު ހިފުމުގެ ރޫހެއް ނުގެންގުޅުއްވާކަމުގައި ރައީސުލްޖުމްހޫރިއްޔާ، ޑޮކްޓަރ މުޙައްމަދު މުޢިއްޒު ވިދާޅުވެއްޖެއެވެ.
މި ހިނގާ 2024 ވަނަ އަހަރުގެ ރައްޔިތުންގެ މަޖިލީހުގެ ފުރަތަމަ ދައުރުގެ ފުރަތަމަ ޖަލްސާގައި ރިޔާސީ ބަޔާން އިއްވަވަމުން ރައީސް ޑރ. މުއިއްޒު ވިދާޅުވީ، ސިޔާސީގޮތުން މީހުން ހައްޔަރުކޮށް އަދަބު ދިނުމަކީ އެމަނިކުފާނު ކުރައްވާނެކަމެއް ނޫންކަމަށެވެ. އެހެން ނަމަވެސް ޤާނޫނީ ވެރިކަން ދަމަހައްޓައި ނަގަހައްޓަވާނެ ކަމުގައި އެމަނިކުފާނު ވިދާޅުވިއެވެ.
ރާއްޖޭގައި ސިޔާސީ ފަރާތްތަކަށް ހިފައި ހައްޔަރުކުރުމާއި، ސަރުކާރަށް ފާޑުކިޔާ ފަރާތްތަކާއި މެދު އެންމެ ހަރުކަށިފިޔަވަޅުތައް އަޅަމުން ދިޔައީ ރައީސުލްޖުމްހޫރިއްޔާ ޢަބުދުﷲ ޔާމީން ޢަބުދުލްޤައްޔޫމުގެ ވެރިކަމުގައެވެ.
