Advertisement

04 Feb 2024
ކުޅިވަރު
މިފްތާޙް މުޙައްމަދު

ހޮންކޮންގުގެ ކުޅިބެލުންތެރިން މެސީ އާއި ބެކަމްދެކެ ރުޅިއަތުވެއްޖެ

އޭޝިއާ ޓުއާގެ ތެެރެއިން ހޮންކޮންގުގައި އިންޓަ މިއާމީ ކުޅުނު ރަހުމަތްތެރިކަމުގެ މެޗުގައި، ދުނިޔޭގެ އެންމެ މޮޅު ކުޅުންތެރިޔާގެ މަގާމު 8 ފަހަރު ހޯދާފައިވާ ލިއޮނެލް މެސީ ކުޅެފައިނުވާތީ، ދަނޑަށް ކުޅިބަލަން ވަދެ ތިބި ސަޕޯޓަރުން މެސީ އާއި އެ ކްލަބުގެ އޯނަރު، ޑޭވިޑް ބެކަމްދެކެ ހިތްހަމަނުޖެހިއްޖެއެވެ. އަދި މިކަމާ ގުޅިގެން މެޗު ބަލަން ވަދެ ތިބި ބެލުންތެރިންވަނީ އެމީހުން ދަނޑަށް ވަނުމަށް ނެގި ޓިކެޓުގެ ރިޕަންޑު ދިނުމަށް ވެސް ގޮވާލާފައެވެ.  

ހޮންކޮންގުގައި މިއަދު ކުޅުނު މި މެޗުގެ ޓިކެޓު ގަތުމަށް އެންމެ މަދުވެގެން 125$ (ސަތޭކަ ފަންސަވީސް ޔޫ.އެސް. ޑޮލަރު) ހަރަދުކުރަން ޖެހުނުއިރު، ގިނަ ބަޔަކު ދަނޑަށް ވަނީ މެސީގެ ކުޅުން ހަމަލޮލުން ބަލާލުމުގެ އުއްމީދުގައެވެ. މި މެޗު ހޮންކޮންގުގައި އިޝްތިހާރުކުރީ ވެސް މެސީ ކުޅޭނެ ކަމަށް ބުނެ، ޕޯސްޓަރުތަކުގައި އޭނާގެ ފޮޓޯ ޖަހައިގެންނެވެ.

މެޗު ފެށުނުއިރު މެސީ ފުރަތަމަ އެގާރައިގައި ނެތަސް، ކުޅިބެލުންތެރިން ކެތްމަދުވެފައިތިބީ މެސީ އަރުވާނެ ވަގުތަކަށެވެ. ނަމަވެސް ފުރަތަމަ ހާފު ނިމި، ދެވަނަ ހާފުގައި ވެސް މެސީ ކުޅެން ނޭރުވުމުން، މެޗު ބެލުންތެރިން ވަނީ "ވީ ވޯންޓު މެސީ" އޭ އެއް އަޑަކުން ގޮވާ، އޭނާ ދަނޑަށް އެރުވުމަށް ޑިމާންޑުކޮށްފައެވެ.

މެސީގެ އިތުރުން، އިންޓަ މިއާމީއާ އެންމެ ފަހުން ގުޅުނު ކުޅުންތެރިޔާ، އުރުގުއޭގެ ލުއިޒް ސުއަރޭޒް ވެސް މި މެޗުގައި އެއްވެސް ވަރަކަށް ކުޅެފައެއް ނުވެއެވެ.

މެޗު ބެލުންތެރިންގެ ހިތްހަމަނުޖެހުން އެންމެފަހުން ރުޅިވެރިކަމަށް ބަދަލުވީ، މެޗުގެ 90 މިނެޓުގެ ކުޅުން ނިމުމަކަށް ދިޔައިރު ވެސް މެސީގެ ކުޅެން ނުފެނި ގެއަށް ދާން ޖެހުމުންނެވެ. އިންޓަ މިއާމީއިން މި މެޗު ކާމިޔާބުކޮށްފައިވަނީ 4-1 އިންނެވެ.

މެޗު ނިމުމުން ދަނޑަށް ވަދެ ތިބި ބެލުންތެރިންނަށް، އެމީހުން ދިން ސަޕޯޓަށް ޝުކުރު ދެންނެވުމަށް އިންޓަމިއާމީގެ އޯނަރު ޑޭވިޑް ބެކަމް ދަނޑަށް އެރުމުން، ހޮންކޮންގުގެ ސަޕޯޓަރުން ވަނީ ބެކަމް ދެކެ ހިތްހަމަނުޖެހި، އަތުގެ އިޝާރާތުން އެކަން ދައްކާފައެވެ.

މެޗަށްފަހު ކުޅި ބެލުންތެރިއަކު ނުރުހުންފާޅުކުރަނީ

މި މައްސަލައާ ގުޅިގެން އިންޓަ މިއާމީގެ ކޯޗު، ޖެރާޑޯ މާޓީނޯ ބުނީ މެސީ އާއި ލުއިސް ސުއަރޭޒް ކުޅެން އަރުވަން އޭނާ ބޭނުންވި ކަމަށެވެ. އެކަމަކު، ދެ ކުޅުންތެރިން ވެސް އަނިޔާގައި ތިބުމުން، ސީޒަން ފެށުމުގެ ކުރިން ރިސްކެއް ނެގުމަށް ބޭނުންނުވީ ކަމަށް އޭނާ ބުނެފައިވެއެވެ. އެމެރިކާގެ ފުޓުބޯޅަ ސީޒަން ފެށުމަށް ހަމަޖެހިފައިވަނީ މި މަހުގެ 21 ވަނަ ދުވަހުއެވެ.

މިކަމާ ގުޅިގެން ހޮންކޮންގުގެ ސަރުކާރުން ނެރުނު ބަޔާނެއްގައި ބުނެފައިވާ ގޮތުގައި، ސަރުކާރާއި ހޮންކޮންގުގެ ފުޓުބޯޅަ ސަޕޯޓަރުން ތިބީ މެޗު އިންތިޒާމްކުރި ފަރާތުން އެގޮތަށް ކަންތައްތައް ކުރުމުން މާޔޫސްވެފައެވެ. އަދި މިހެން ކަންތައްތައް ދިމާވުމުން، މެޗު އިންތިޒާމްކުރި ފަރާތުން ހޮންކޮންގުގެ ފުޓުބޯޅަ ސަޕޯޓަރުންނަށް ތަފްސީލު ހާމަކުރަން ޖެހޭނެކަމަށް ވެސް އެ ބަޔާނުގައި ވެއެވެ.

ކޮމެންޓް
އިތުރު އާޓިކަލް
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.
02 Apr 2025
ޚަބަރު
ހޮޅުދޫ ބޯޓުގައި ރޯވެ އެބޯޓުގައި ހުރި ޒުވާނަކު ގެއްލިއްޖެ
އެމްއެންޑީއެފުން ވިދާޅުވީ، ގެއްލިގެން ހޯދަމުން ދަނީ، ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކަމަށެވެ. އޭނާގެ އިތުރުން އެބޯޓުން ދަތުރު ކުރި އެހެން މީހުން ވަނީ، ސަލާމަތް ވެފައެވެ. އޭގެ ތެރެއިން ދެމީހަކަށް، ތ. ކަނޑޫދޫ ޞިއްޙީ މަރުކަޒުގައި ފަރުވާދެމުން އަންނަ ކަމުގައިވެސް އެމްއެންޑީއެފުން ވިދާޅުވިއެވެ.