Advertisement
ސޯލާ ޕެނަލްތަކަށް އެކްސިޑެންޓްގެ ސަބަބުން ގެއްލުންތައް ލިބިފައި --- ފޮޓޯ: ނޫން
ހައިވޭގައި ޖަހާފައި ހުރި ސޯލާ ޕެނަލްތަކުގައި ކާރަކުން ޖެހި ގެއްލުންވެއްޖެ
ހުޅުމާލެއިން މާލެއަށް ދަތުރުކުރި ކާރެއް ހައިވޭ ހަތަރުލޭން ސަރަހައްދުގައި ޖަހާފައި ހުރި ސޯލާޕެނަލްތަކުގައި ޖެހި ގެއްލުންތައް ވެއްޖެއެވެ.
މިހާދިސާ ހިނގާފައި ވަނީ މިއަދު ހުކުރު ވަގުތުގައެވެ.
ފުލުހުންގެ އިދާރާއިން ވިދާޅުވީ، ހާދިސާގެ ރިޕޯޓް ފުލުހުންނަށް ލިބިފައިވާނީ، މިއަދުގެ މެންދުރު 12:31ގައި ކަމަށެވެ. މިހާދިސާގައި އެއްވެސް މީހަކަށް ސީރިއަސް ގެއްލުމެއް ލިބިފައި ނުވި ނަމަވެސް މިއެކްސިޑެންޓްގައި ސޯޕާޕެނަލްތަކަށާއި ކާރަށް ގެއްލުންތައް ވަނީ ލިބިފައެވެ. އެނގިފައިވާ ގޮތުގައި ކާރު ސޯލާޕެނަލްތައް ޖަހާފައިވާ ދަގަނޑުތަކުގައި ޖެހިފައި ވަނީ، ކޮންޓްރޯލު ނުވެގެން ގޮހެވެ.
ފުލުހުން ވިދާޅުވީ، މިއެކްސިޑެންޓްގެ މައްސަލަ މިހާރު ތަޙްޤީޤުކުރަމުންދާ ކަމަށެވެ.
