ކުރިޔަށް އޮތް ރައްޔިތުންގެ މަޖިލީހުގެ އިންތިޚާބުގައި ވާދަކުރެއްވުމުގެ ޝައުޤުވެރިކަން ފާޅުކުރައްވާފައިވާ އިތުރު 3 ބޭފުޅަކަށް އެމްޑީޕީގެ ޓިކެޓް ކަށަވަރުވެއްޖެ ކަމުގައި އެޕާޓީން ބުނެފިއެވެ.

މިގޮތުން އެމްޑީޕީން ހާމަކޮށްފައިވާ ގޮތުގައި، ޕްރައިމަރީ އަކާއި ނުލައި ޕާޓީގެ ޓިކެޓް ކަށަވަރުވި ތިން ބޭފުޅުންނަކީ، ރައްޔިތުންގެ މަޖިލީހުގެ ދިއްދޫ ދާއިރާގެ މެމްބަރު ޢަބުދުﷲ ވަޙީދާއި، ރައްޔިތުންގެ މަޖިލީހުގެ ކުޅުދުއްފުށި އުތުރު ދާއިރާގެ މެމްބަރު ޔާސިރު ޢަބުދުއް ލަޠީފާއި، މާފަންނު އުތުރުދާއިިރާއަށް ވާދަކުރެއްވުމަށް ޝައުޤުވެރިކަން ފާޅުކުރައްވާފައިވާ، އިފްޙާމް ޙުސައިންއެވެ.

މީގެ އިތުރުން އެމްޑީޕީން ބުނެފައި ވަނީ، އެޕާޓީގެ ފަރާތުން 20 ވަަނަ ރައްޔިތުންގެ މަޖިލިސްއަށް ހއ. ކެލާ ދާއިރާއަށް ޝައުޤުވެރިކަންފާޅުކޮށްފައިވާ ކެންޑިޑޭޓް ނަންބަރު: 3 އަޙްމަދު ރިޝްވާން / ޢާލަމް ، ހއ. ދިއްދޫ ވަނީ ވޯޓު ކަރުދާސް ޕްރިންޓްކުރި ފަހުން އޭނާގެ ނަން އަނބުރާ ގެންގޮސްފައި ކަމަށވެެ. އެހެންވެ  ހޮނިހިރު ދުވަހު ބާއްވާ ޕްރައިމަރީގައި އޭނާގެ ނަމާއި ދިމާލަށް ފާހަގަޖަހާ ވޯޓުތައް ގުނޭނީ ބާޠިލް ވޯޓުގެ ގޮތުގައިކަމަށް އެމްޑީޕީން ވަނީ ބުނެފައެވެ.