Advertisement

26 Jan 2024
ކުޅިވަރު
މިފްތާޙް މުޙައްމަދު

މި ސީޒަނަށްފަހު ލިވަޕޫލް ދޫކޮށްލާނެކަމަށް ކްލޮޕް އިއުލާންކޮށްފި

މި ސީޒަނަށްފަހު ލިވަޕޫލްގެ ކޯޗު ޖާގަން ކްލޮޕް، އޭނާގެ މަގާމުން ދުރަށްދާނެކަމަށް އިއުލާންކޮށްފިއެވެ. ލިވަޕޫލްގެ ރަސްމީ ސޯޝަލް މީޑިއާ އެކައުންޓުތަކުން ހިއްސާކޮށްފައިވާ ކްލޮޕްގެ އިންޓަވިއުއެއްގައި ބުނާ ގޮތުން، އޭނާ ކްލަބުގެ މެނޭޖަރެއްގެ މަގާމުން ދުރުވާން ބޭނުންވަނީ، އެއްވެސް ހިންހަމަ ނުޖެހުމެއް އޮވެގެން ނޫންކަމާއި، މިއީ އަމިއްލަ ދިރިއުޅުމަށް ވަގުތު ދިނުމަށް ބޭނުންވެގެން ނިންމި ނިންމުމެއްކަމަށެވެ.

ގިނަ ޖަޒުބާތުތަކަކާއެކު ކްލޮޕް ހިއްސާކުރިގޮތުން، އޭނާ މި މަސައްކަތަށް ހުރިހާ ވަގުތެއް ހޭދަކުރާކަމާއި، ނަމަވެސް އެގޮތަށް އަބަދު މަސައްކަތް ކުރުމަކީ ވެސް ފަސޭހަކަމެއް ނޫންކަމަށް ބުނެފައިވެއެވެ. އަދި ކްލަބް ދޫކޮށްލަންޖެހޭ ވަގުތަކީ ކޮންމެވެސް ދުވަހަކުން އަންނާނެ ވަގުތެއްކަން އަބަދުވެސް އެނގޭކަމާއި، އަދި އެ ނިންމުން މިހާރު ނިންމީ، މިއީ އެކަމަށް އެންމެ އެކަށޭނެ ވަގުތުކަމަށް އަމިއްލައަށް ގަބޫލުކުރެވޭތީކަމަށް އޭނާ ބުންޏެވެ.

ލިވަޕޫލް ދޫކޮށްލުމަށް ނިންމި ނިންމުން އިއުލާން ކުރުމަށް ކްލޮޕް ދިން އިންޓަވިއު

ލިވަޕޫލްގެ ކޯޗަކަށް ކްލޮޕް ހަމަޖެއްސީ 8 އޮކްޓޯބަރ 2015 ގައެވެ. އޭގެ ފަހުން ލިވަޕޫލާއެކު އޭނާ 8 ސީޒަން ހޭދަކޮށްފައިވާއިރު، މުޅި ޓީމަށްވަނީ ބޮޑެތި ބަދަލުތަކެއް ގެނަސްފައެވެ. އަދި އޭނާ ހަވާލުވުމަށްފަހު ލީގު ތައްޓަށް ވާދަކުރެވޭ ފެންވަރަށް ޓީމު ކުރިއަރުވާ، ޔޫރަޕްގައި ލިވަޕޫލަކީ އަނެއްކާވެސް ގަދަބާރަކަށް މިވަނީ ހަދާފައެވެ

އެގޮތުން ކްލޮޕްގެ އިރުޝާދާއެކު ލިވަޕޫލުންވަނީ ޔޫއެފާ ޗެމްޕިއަންސް ލީގާއި، ޕްރިމިއަ ލީގާއި، ފީފާ ކްލަބް ވޯލްޑް ކަޕާއި، އެފްއޭ ކަޕާއި، ލީގު ކަޕް އަދި ޔޫއެފާ ސުޕަ ކަޕާއި، އެފްއޭ ކޮމިއުނިޓީ ޝީލްޑެއް ވެސް ކާމިޔާބުކޮށްފައެވެ.

މި ސީޒަން ނިމޭއިރު ކްލޮޕްގެ އިތުރުން ލިވަޕޫލްގެ އެސިސްޓެންޓު މެނޭޖަރުންކަމަށްވާ ޕެޕިން ލިންޖާސް އަދި ޕީޓާ ކްރަވިޓްސް ވެސް ލިވަޕޫލް ދޫކޮށްލާނެއެވެ. މީގެ އިތުރުން ލިވަޕޫލްގެ އެލީޓް ޑިވެލޮޕްމަންޓް ކޯޗު، ވިޓާ މަޓޯސް ވެސް ލިވަޕޫލް ދޫކޮށްލާނެކަމަށް އެ ކްލަބުން ވަނީ އިއުލާން ކޮށްފައެވެ.

ކްލޮޕްގެ އިންޓަވިއުގައި އޭނާ އިތުރަށް ފާހަގަ ކުރި ގޮތުން، ސީޒަން ނިމެން ވަގުތު އޮށްވައި ކްލަބުގެ މެނޭޖުމެންޓާއި މިކަން ހިއްސާކުރީ، އައު ކޯޗެއް އައްޔަނުކުރުމުގެ ކަންތައްތައް އޮމާންކޮށް ކުރިޔަށް ގެންދިއުމަށް ބޭނުންވާތީ ކަމަށެވެ

މި ސީޒަންގައި އަދި އެއްވެސް މުބާރާތަކުން ލިވަޕޫލް ކަޓާފައެއް ނުވެއެވެ. މީގެ ދެ ދުވަސް ކުރިން ލީގު ކަޕްގެ ފައިނަލުން އެ ޓީމު ޖާގަ ހޯދިއިރު، އެފްއޭ ކަޕާއި ޔޫއެފާ ޔޫރޮޕާ ލީގުގައި ވެސް އެ ޓީމު އަންނަނީ ވާދަކުރަމުންނެވެ. އަދި މީގެ އިތުރުން، 5 ޕޮއިންޓާއެކު އިނގިރޭސި ލީގުގައި ލިވަޕޫލް މިހާރު އޮތީ އެއްވަނައިގައެވެ.

ކޮމެންޓް
އިތުރު އާޓިކަލް
04 Apr 2025
މޯލްޑިްވްސް ޕޮލިސް ސަރވިސް
ގިނަ ބަނގުރާ ފުޅުތަކަކާއެކު ބިދޭސީއަކު ހުއްޓުވައިފި
ބޮނަކުއާ ފުޅިތަކަކަށް ބަނގުރާ އަޅާއިގެން ވޭނެއްގައި ހުޅުމާލޭގައި ދުއްވަމުން ދިޔަ ބިދޭސީއަކު ފުލުހުން ރޭ ހުއްޓުވައިފިއެވެ.
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.