މިއަހަރު ބޭއްވުމަށް ހަމަޖެހިފައިވާ ރައްޔިތުންގެ މަޖިލީހގެ އިންތިޚާބުގެ ވޯޓު ނެގުން، ހެނދުނު 9 އިން ހަވީރު 5އަށް ކުރިޔަށް ގެންދިޔުމަށް އިންތިޚާބާއި ބެހޭ ޤައުމީ ލަފާދޭ ކޮމިޓީން މިއަދު ހުށައަޅައިފިއެވެ.

ޤައުމީ ލަފާދޭ ކޮމިޓީގެ ބައްދަލުވުމެއް އިއްޔެ ވަނީ ބާއްވާފައެވެ.

މިއަހަރުގެ ރައްޔިތުންގެ މަޖިލީހުގެ އިންތިޚާބު ބޭއްވުމަށް ނިންމާފައި ވަނީ، މިއަހަރުގެ މާރިޗު މަހުގެ 17 ވަނަ ދުވަހުގައެވެ. އެހެންވެ މަޖިލިސް އިންތިޚާބު ބާއްވާ ދުވަސް ދިމާވަނީ ރަމަޟާން މަހުގެ 7 ވަނަ ދުވަހާއެވެ.

ވޯޓުލުމުގެ ގަޑިއަކީ ހެނދުނު 9އިން ހަވީރު 5އަށް ކަމުގައި ހަމަޖެއްސެވުމަށ ްލަފާ ދެއްވުމުގެ އިތުރުން ކޮމިޓީން ވަނީ، ވޯޓުލުމުގެ ވަގުތު އިތުރު ނުކުރުމަށްވެސް އެދިފައެވެ. އޭގެ ސަބަބަކީ، ވޯޓުާ މީހުން ވޯޓުލާފައި ރޯދަވިއްލާން ގެއަަށް ދެވޭހައި ވަގުތު ދިނުމެވެ. އިންތިޚާބު ބާއްވާ މާރިޗު 17 ވަނަ ދުވަހު، އިރު އޮއްސޭނީ 6:19ގައެވެ. 

އިންތިޚާބު ބޭއްވުމަށް ކަނޑައަޅާފައިވާ ދުވަހަކީ، ހަފްތާއިން އާދީއްތަ ދުވަސް ކަމުގައިވާތީ އެދުވަހަކީ ރަސްމީ ބަންދު ދުވަހެއްގެ ގޮތުގަިއ ކަނޑައަޅުއްވައި ދެއްވުމަށް އިލެކްޝަންސް ކޮމިޝަނުން ވަނީ ސަރުކާރަށް ހުށައަޅާފައެވެ.