Advertisement
ހަނިމާދޫ އިންޓަރނޭޝަލް އެއާޕޯޓުގެ ޓަރމިނަލް -- ފޮޓޯ: ނޫން.އެމްވީ
ބޮމެއް އޮތް ކަމަށް ބުނެ ބިރު ދެއްކި މީހަކު ހަނިމާދޫ އެއާޕޯޓުން ހައްޔަރުކޮށްފި
ހަނިމާދޫ އެއާޕޯޓުން ފުރަން ގޮސް ހުރި ފަސިންޖަރަކު އަތުގައި ބޮމެއް އޮތް ކަމަށް ބުނެ އިންޒާރުދީ ބިރުދެއްކި މައްސަަލައިގައި ހައްޔަރުކޮށްފިއެވެ.
ފުލުހުންގެ އިދާރާއިން ވިދާޅުވީ، އެމައްސަލައިގައި ހައްޔަރުކޮށްފައި ވަނީ ދިވެހި ފިރިހެނެއް ކަަމަށެވެ. އަދި މައްސަލަ ފުލުހުން ތަޙްޤީޤު ކުރަމުންދާ ކަމުގައިވެސް ފުލުހުންގެ އިދާރާއިން ވަނީ ވިދާޅުވެފައެވެ.
ހަނގުރާމަވެރި ހަތިޔާރު އަތުގައި ހުރިކަމަށް ބުނެ އިންޒާރުދީ ބިރު ދެއްކުމަކީ، ޓެރަރިޒަމްގެ ކުށުގެ ޢަމަލުތަކަށް ފެތޭ ކުށެކެވެ. މީގެ ކުރިންވެސް އެގޮތަށް އިންޒާރުދީ ބިރުދެއްކި ބައެއް މީހުން ހައްޔަރުކޮށް އަދަބުދީފައި ވެއެވެ،
މިދިޔަމަހު ކުޅުދުއްފުށީ އެއާޕޯޓުން ފުރަން ދިޔަ އަންހެނެއްގެ ދަބަސް ސްކޭންކުރި އިރު އެ އަތްދަބަހުން ވަޒަނެއް ފެނުނު މައްސަލައިގައި އަންހެން މީހާއާ ސުވާލުކޮށް އެމައްސަލަ ތަޙްޤީޤުކޮށްފައިވެއެވެ.
