ޑައިވިންގ ދޯންޏެއްގެ ބުރަފަތީގައި ޖެހި ފަތުރުވެރިއެއްފެ ފައި ބުރިވެއްޖެއެވެ.

ފުލުހުންގެ އިދާރާއިން ވިދާޅުވީ، މިހާދިސާ ހިނގާފައި ވަނީ ހުޅުމާލެ އިރުމަތީ ފަރާތުގައި އޮންނަ ޑައިވިން ޕޮއިންޓަކަށް ފަތުރުވެރިން ފީނަން ފައިބައިގެން އުޅެނިކޮށެވެ.

ފުލުހުންގެ އިދާރާއިން ވިދާޅުވީ، ހާދިސާ ފުލުހުންނަށް ރިޕޯޓްކޮށްފައި ވަނީ މިއަދު ހެނދުނު 8:30 ހާއިރުގައި ކަމަށެވެ. އަދި ހާދިސާގައި ފައިބުރިވީ ފަތުރުވެރިޔާއަކީ އުމުރުން 63 އަހަރުގެ އެމެރިކާ އަންހެނެއް ކަމަށާއި ހުޅުމާލޭގައި ހުންނަ ޓްރީޓޮޕް ހޮސްޕިޓަލްގައި މިހާރު އެމީހާއަށް ފަރުވާދެމުން އަންނަ ކަމުގައިވެސް ފުލުހުންގެ އިދާރާއިން ވިދާޅުވިއެވެ.

ފުލުހުންގެ އިދާރާއިން ވިދާޅުވީ، ހާދިސާ ފުލުހުން ތަޙްޤީޤު ކުރަމުން ގެންދާކަމަށެވެ.