ދިވެހި އަންހެން ވިޔަފާރިވެރިންނަށް ފުރުބަތު ފަހިކޮށްދިނުމުގެ ގޮތުން ބިޒްނަސް ސެންޓަރ ކޯޕަރޭޝަނުން އިންތިޒާމްކޮށްގެން ބާއްވާ ހިޔަލަ ވީކް އެންޑް މާކެޓް ރޭ ފަށައިފިއެވެ.

ހުޅުމާލޭ ސެންޓްރަލް ޕާކުގައި ރޭ ފެށި މިމާކެޓް ހުޅުއްވައި ދެއްވީ އެކަމަށް ބޭއްވި ޚާއްޞަ ރަސްމިއްޔާތުގައި، މިނިސްޓަރ އޮފް ސޯޝަލް އެންޑް ފެމިލީ ޑިވެލޮޕްމަންޓް މިނިސްޓަރ ޑރ. އައިޝަތު ޝިހާމާއި، އެޗްޑީސީގެ މެނޭޖިން ޑިރެކްޓަރު އިބްރާހިމް ފަޒުލް ރަޝީދާއި އަދި ބީސީސީގެ މެނޭޖިން ޑިރެކްޓަރު އިބްރާހިމް ޒިޔާއުއެވެ.

ކޮންމެ ހަފްތާ ބަންދެއްގައި ކުރިޔަށް ގެންދާ މިމާކެޓުގައި ދިވެހި އަންހެނުންގެ އުފެއްދުންތައް ވިއްކުމަށް 10 ކިއޮސްކެއް ވަނީ ޤާއިމްކޮށްފައެވެ. މި މާކެޓް ފެށުމުގެ ގޮތުން ފުރަތަމަ ހަފްތާގައި ކިއޮސްކްތައް ދޫކޮށްފައި ވަނީ ހިލެއެވެ. ބީސީސީން ހާމަކޮށްފައިވާ ގޮތުގައި އަންނަ ހަފްތާއިން ފެށިގެން ކިއޮސްކްތައް ކުއްޔަށް ދޫކުރާނީ، 300ރ ގެ ކުއްޔަކަށެވެ. އަދި ކޮންމެ ހަފްތާއެއްގައިވެސް ފުރުސަތު ދެވޭނީ ހިޔަލަ ވީކް އެންޑް މާޓުގައި ބައިވެރިވުމަށް ހުށައަޅާ ފަރާތްތަކުގެ ތެރެއިން، ކިއޮސްލް ހޯދުމަށް ހުށައަޅާފައިވާ ތަރުތީބުން ދިހަ ފަރާތަކަށެވެ.

Advertisement

ހިޔަލަ ވީކް އެންޑް މާޓުގެ ސްޓޯލެއް --

މިމާކެޓް ބޭއްވުމަށް ހަމަޖައްސާފައި ވަނީ ކޮންމެ ހަފްތާ ބަންދެއްގައި ހަވީރު، 4:00 އިން ރޭގަނޑު 11:00އަށެވެ.