އިމާމުން ތަމްރީންކުރުމަށް ހިންގާ ޕްރޮގްރާމުގެ ފުރަތަމަ ބުރު އަންނަމަހު ފެށުމަށް ހަމަޖެހިފައިވާކަމަށް އިސްލާމިކް މިނިސްޓަރ ޑރ. މުޙައްމަދު ޝަހީމް ޢަލީ ސަޢީދު ވިދާޅުވެއްޖެއެވެ.

މިނިސްޓަރ ވިދާޅުވީ، ރާއްޖޭގެ ހުރިހާ އިމާމުން ތަމްރީންކުރުމުގެ ޤައުމީ މަޝްރޫޢު އިޢުލާންކުރުމަށް ހަމަޖެހިފައިވާކަމަށެވެ. މި ޕްރޮގްރާމް އަމާޒުކުރާނީ ޒަމާނީ ދީނީ ގޮންޖެހުންތަކާއި އިލްމީ، އަޚްލާޤީ، ފިޤުހީ މައްސަލަތަކަށް އަމާޒުކޮށްކަމަށް މިނިސްޓަރ ވަނީ ވިދާޅުވެފައެވެ.

އިމާމުން ތަމްރީންކުރުމުގެ ފުރަތަމަ ބުރު އަންނަމަހު ފަށާނެކަމަށް މިނިސްޓްރީން ވަނީ ބުނެފައެވެ. ފުރަތަމަ ބުރު އޮންނާނީ ގއ. އަތޮޅުގައެވެ. އިމާމުން ތަމްރީންކުރުމުގެ ފުރަތަމަ ބުރުގައި 77 އިމާމުން ބައިވެރިވާނެކަމަށް މިނިސްޓަރ ވިދާޅުވިއެވެ. ރާއްޖޭގައި މިވަގުތުވެސް 800 އެއްހާ އިމާމުން ހަރަކާތްތެރިވަމުންދެއެވެ.