މާލެ އަތޮޅު ދެކުނުބުރީގައި އޮންނަ ވެލައްސަރު ރިސޯޓާއި ދިމާ ކަނޑުމަތިން މަރުވެފައި އޮތް ދިވެހި ފިރިހެނެއްގެ ހަށިގަނޑު ފެނިއްޖެއެވެ.

ފުލުހުންގެ އިދާރާއިން ވިދާޅުވީ މަރުވެފައި އޮތް މީހެްގެ ހަށިގަނޑު ކަނޑުމަތިން އޮުޔާ ދަނިކޮށް ފެނިގެން ފުލުހުންނަށް ރިޕޯޓްކޮށްފައި ވަނީ މިއަދު ގެ ހެނދުނު، 9:11 ހާއިރުގައި ކަމަށެވެ.

އަދި މިހާތަނަށް ބެލި ބެލުމުން މަރުވެފައި އޮއްވައި ފެނުނު އެމީހާއަކީ، މާލެ އަތޮޅުގެ ރިޒޯޓެއްގައި ވަޒީފާ އަދާކުރަމުންދިޔަ އުމުރުން 35 އަހަރުގެ ދިވެހި ފިރިހެނެއްކަން އެނގިފައިވާ ކަމަށްވެސް ފުލުހުންގެ އިދާރާއިން ވިދާޅުވެއެވެ.

ފުލުހުންގެ އިދާރާއިން ވިދާޅުވީ، އެމީހާގެ މަރުގެ މައްސަލަ ފުލުހުން މިހާރު ތަޙްޤީޤު ކުރަމުންދާކަމަށެވެ.