Advertisement

ހޯމް މިނިސްޓަރ ޢަލީ އިޙްސާން

18 Jan 2024
ޚަބަރު
ޢަލީ ސުލައިމާން

ރާއްޖޭގައި މަރުކަޒީ އެއް ޖަލު ހެދުމަށް ދިރާސާތައް ކުރަނީ

ރާއްޖޭގައި ސެންޓްރަލް އެއް ޖަލު ހެދުމާއި ގުޅޭ ގޮތުން ދިރާސާތައް ކުރައްވަމުންދާކަމުގައި ހޯމް މިނިސްޓަރ ޢަލީ އިޙްސާން ވިދާޅުވެއްޖެއެވެ.

ޕީއެސްއެމްގެ ރާއްޖެ މިއަދު ޕްރޮގްރާމްގައި ވާހަކަފުޅު ދައްކަވަމުން އިޙްސާން ވިދާޅުވީ، ތަފާތު އެކި ތަން ތާނގައި ޖަލުތައް ހެދިފައި ހުރިމަކީ ގޮންޖެހުމެއްކަމަށެވެ. އިޙްސާން ވިދާޅުވީ، ޖަލުގައި ތިބޭ މީހުންނަށް މިހާރުވެސް މަހަކު ބޮލަކަށް، އެކާވީސް ހާހާއި ތިރީސް ހާހާއި ދެމެދުގެ އަދަދެއް ހޭދަވާ ކަމަށެވެ. 

އިޙްސާން ވިދާޅުވީ، ޖަލުތަކާއި ބެހޭ ގޮތުން މިހާތަނަށް ހެދިފައި ހުރި އެސެސްމެންޓްތަން އެންމެ ބޮޑަށް ފާހަގަކުރެވިފައިވާ މައްސަލަތަކަކީ، ތަފާތު އެކި ތަންތާނގައި، ޖަލުތައް ހެދިފައި ހުރުން ކަމަށެވެ. އެކަމުގެ ސަބަބުން ބެލެހެއްޓުމުގަޔާއި، ޤައިދީންނަށް ދޭންޖެހޭ ޚިދުމަތް ދިނުމުގައި، ވަރަށް ބޮޑަށް ޚަރަދު ބޮޑުވެގެން ދާ ކަމަށެވެ. އެހެންކަމުން މިވަގުތު ޖަލުތަކުގެ ކަންކަންތައް ކުރެވެމުން ދަނީ އެންމެ އެދެވޭ ގޮތެއްގައި ނޫންކަން އިޙްސާން ފާހަގަކުރެއްވިއެވެ.

"ރައީސުލްޖުމްހޫރިއްޔާގެ ވިސްނުންފުޅާއި އެކުގައި، އަޅުގަނޑުމެން މިހާރު މިކުރަމުންދާ އެއްމަސައްކަތަކީ، ރާއްޖޭގައި ސެންޓްރަލް އެއްޖަލު ހެދޭނެ އިންތިޒާމެއް، އެކަމާއި ބެހޭ ސްޓަރޑިއެއް އަޅުގަނޑުމެން އެބަހަދަން. އޭގެ ބޭނުމަކީ، އެއްސަރަހައްދެއްގައި އެއްތަނެއްގައި، އަޅުގަނޑުމެންގެ ފޯކަސް އެއް ދިމާއެއްގައި ބަހައްޓައިގެން އެއްޖަލުން އަޅުގަނޑުމެން ޚިދުމަތް ދެމުން ގެންދިޔުން." 

ހޯމް މިނިސްޓަރ ޢަލީ އިޙްސާން --

އިހްސާން ވިދާޅުވީ އެގޮތަށް ބަދަލުވެގެންދާއިރު، ޖަލު ތެރޭގައި ސަރަހައްދުތައް ވަކިކުރެވި އެސަރަހައްދެއްގެ ސެކިއުރިޓީ އެސަރަހައްދަކާއި އެކަށޭނަ ގޮތުން ކަނޑައަޅައި ބެލެހެއްޓިގެންދާނެ ކަމަށެވެ. އަދި އެސަރަހައްދެއްގެ ތެރޭގައި އަންހެން ޤައިދީންނާއި ފިރިހެން ޤައިދީންވެސް ވަކިކުރެވޭނެ ކަމުގައި އިޙްސާން ވިދާޅުވިއެވެ. އަދި އެކިބާވަތްތަކުގެ ކުށްކޮށްގެން ޖަލަށް ލެވިފައި ތިބި މީހުން ކުށުގެ ބާވަތަށް ބަލައި ވަކިކުރެވޭނެ ކަމުގައިވެސް އިޙްސާން ވިދާޅުވިއެވެ.

އިޙްސާން ވިދާޅުވީ، މިހާރު އެގޮތަށް އެޚިދުމަތްތައް ނުދެވެނީ ޖަލުތަކުގެ ޖާގައިގެ ދަތިކަމާއި، ތަން ބެލެހެއްޓުމުގެ ނިޒާމުގައި މީހުން މަދުކަމާއި އެކަހަލަ ބައިވަރު ސަބަބުތައް ހުރެގެން ކަމަށެވެ.

އެހެންވީމާ، ސެންޓްރަލް އެއްދިމާއަކަށް ފޯކަސްކުރެވޭ އިރު، ސެންޓްރަލް ޖަލެއް ހެދިގެންދާނީ ބައިނަލްއަޤުވާމީ މިންގަނޑުތަކާއި އެއްގޮތަށް ފަރުމާކުރެވިގެން ކަމުގައިވެސް އިޙްސާން ވިދާޅުވިއެވެ.

ރާއްޖޭގެ މައިޖަލުގެ ގޮތުގައި މިހާރު ބޭނުން ކުރަމުން އަންނަނީ މާފުށީ ޖަލެވެ. މީގެ އިތުރުން ހުޅުމާލޭގައި އަދި ކ. ހިންމަފުށީގައިވެސް ޖަލެއް ހިންގައެވެ. މިމަހުގެ ތެރޭގައި ވަނީ، މާލޭ ޖަލު ހުސްކޮށް އެތަން ބަންދުކޮށްފައެވެ.

ކޮމެންޓް
އިތުރު އާޓިކަލް
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.
02 Apr 2025
ޚަބަރު
ހޮޅުދޫ ބޯޓުގައި ރޯވެ އެބޯޓުގައި ހުރި ޒުވާނަކު ގެއްލިއްޖެ
އެމްއެންޑީއެފުން ވިދާޅުވީ، ގެއްލިގެން ހޯދަމުން ދަނީ، ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކަމަށެވެ. އޭނާގެ އިތުރުން އެބޯޓުން ދަތުރު ކުރި އެހެން މީހުން ވަނީ، ސަލާމަތް ވެފައެވެ. އޭގެ ތެރެއިން ދެމީހަކަށް، ތ. ކަނޑޫދޫ ޞިއްޙީ މަރުކަޒުގައި ފަރުވާދެމުން އަންނަ ކަމުގައިވެސް އެމްއެންޑީއެފުން ވިދާޅުވިއެވެ.