އިންފުލުއެންޒާ ވައިރަސްގެ އެކި ވައްތަރުތައް ފެތުރެމުން ދާތީ، ވެކްސިން ޖަހަން އެޗްޕީއޭ އިން އިލްތިމާސް ކޮށްފިއެވެ.

އިންފްލުއެންޒާ އަކީ އާއްމުކޮށް ފެތުރޭ ނޭވާލާ ނިޒާމަށް ޖެހޭ ބައްޔެކެވެ. އެޗްޕީއޭ އިން ބުނީ ބައެއް ދުވަސްވަރު ބަލި ފެތުރޭ މިންވަރު އިތުރުވާ ކަމަށެވެ.

އިންފްލުއެންޒާގެ ވައްތަރުތަކުގެ ތެރޭގައި ހިމެނޭ އެޗްތްރީއެންޓޫ އަދި އެޗްވަންއެންވަން އަދި އިންފްލުއެންޒާ ބީ ރާއްޖޭގައި ދަނީ ފެތުރެމުންނެވެ.

އިންފުލޫއެންޒާ ޖެހިގެން ރިޕޯޓްކުރި މީހުންގެ އަދަދު:

ސެޕްޓެމްބަރު 2023: 41 މީހުން ޕޮޒިޓިވްވި

އޮކްޓޯބަރު 2021: 46 މީހުން ޕޮޒިޓިވްވި

ނޮވެމްބަރު 2023: 24 މީހުން ޕޮޒިޓިވްވި

ޑިސެމްބަރު 2023: 24 މީހުން ޕޮޒިޓިވްވި

މިމަހުގެ މިހާތަނަށް: 19 މީހުން ވަނީ ޕޮޒިޓިވްވެފައި

އެޗްޕީއޭ އިން އިލްތިމާސް ކޮށްފައި ވަނީ އިންފްލުއެންޒާ އަދި ކޮވިޑް-19 އިން ރައްކާތެރިވުމަށްޓަކައި ވެކްސިން ޖެހުމަށެވެ. "ހާއްސަކޮށް ކުޑަކުދިން، އުމުރުން ދުވަސްވީ މީހުން އަދި ދިގު މުއްދަތަށް ފަރުވާ ކުރަންޖެހޭ ބަލިތައް ހުންނަ ފަރާތްތަކުން ވެކްސިން ޖެހުމުން ބަލީގައި ބޮޑުވަރުވުމުން ރައްކާތެރިކޮށްދޭ،" އެޗްޕީއޭ އިން ބުންޏެވެ.

ސަރަހައްދީ ގައުމު ތަކުގައި ވެސް އިންފްލުއެންޒާ އަދި ކޮވިޑް ފަދަ އަރިދަފުސް ރޯގާތައް އިތުރު ދުވަސް ވަރަކަށްވެފައި، ސްކޫލް ބަންދާއި ދިމާކޮށް ދަތުރު ފަތުރު ކުރުން އިތުރުވާމާއި ގުޅިގެން މިދުވަސްވަރު އިންފްލުއެންޒާ ރާއްޖޭގައިވެސް ފެތުރޭ މިންވަރު އިތުރުވާކަމަށް އެޗްޕީއޭއިން ވަނީ ބުނެފައެވެ.