ކޮންމެ އަހަރެއްގެވެސް ރޯދަ މަހަށް ހާއްސަކޮއް އެސްޓިއޯއިން ބާއްވާ "ރަމަޒާން ބާޒާރު 2024" ޕްރޮމޯޝަން މިރޭ ފަށައިފިއެވެ.

އެސްޓީއޯ ޕީޕަލްޗޮއިސްގައި ރަމަޒާން ބާޒާރު މިރޭ ހުޅުއްވައި ދެއްވީ، އެކުންފުނީގެ މެނޭޖިން ޑައިރެކްޓަރ ސިމާދު އިބްރާހީމްއެވެ.

ރަމަޒާން ބާޒާރު ޕްރޮމޯޝަނާއި ގުޅޭ ގޮތުން މީޑިއާއަށް މައުލޫމާތު ހިއްސާކުރައްވަމުން، އެކުންފުނީ، ސޭލްސް އެސޯސިއޭޓް އައިޝަތު ނަޒާހަތު ވިދާޅުވީ، މިޕްރޮމޯޝަން ކުރިޔަށް ދާނީ، ޖެނުއަރީ 15 އިން އޭޕްރީލް 11 އާއި ހަމައަށް ކަމަށެވެ. އަދި އަތޮޅުތަކުގައި ހުންނަ އެސްޓީއޯ ފިހާރަތަކުގައިވެސް "ރަމަޒާން ބާޒާރު 2024" ޕްރޮމޯޝަން ކުރިޔަށްދާނެ ކަމުގައިވެސް އޭނާ ވިދާޅުވިއެވެ.

އެސްޓީއޯއިން ބުނީ، މި ޕްރޮމޯޝަން ތެރޭގައި އެސްޓީއޯ ރީޖަނަލް ފިހާރަތަކާއި ޕީޕަލްސް ޗޮއިސްގެ އިން ކުރާ ކޮންމެ 1000 ރުފިޔާގެ ވިޔަފާރިއަކަށް ކޫޕަނެއް ލިބޭނެކަމަށެވެ. މިގޮތުން މިޕްރޮމޯޝަނުގެ ތެރެއިން އަގުހުރި ގިނަ އިނާމްތަކެއް ލިބިގެން ދާނެ ކަމަށާއި އޭގެ އިތުރުން %25 އާއި ހަމައަށް ޑިސްކައުންޓުން ލިބިގެންދާނެ ކަމަށްވެސް އެސްޓީއޯއިން ވަނީ ބުނެފައެވެ. އަދި ހުކުރު ހޮނިހިރު ދުވަހުވެސް ޚާއްސަ ޕްރޮމޯޝަން އަގުތަކެއްގައި މިޕްރޮމޯޝަންގެ ތެރެއިން މުދާ ގަންނަން ލިބޭނެ ކަމުގައިވެސް އެސްޓީއޯއިން ބުންޏެވެ.

މި ޕްރޮމޯޝަނުގައި، ރޯދަ މަހުގެ ކުރިން ހޮވާ ތިން ނަސީބުވެރިންގެ ތެރެއިން އެއްވަނަ ފަރާތަކަށް 75000 ރުފިޔާގެ އަގުހުރި ބަދިގެ ސެޓެއް ލިބޭ އިރު ދެވަނަ ފަރާތަކަށް، ހޯމް އެޕްލިއަންސް ޕެކޭޖެއް އަދި ތިންވަނަ ފަރާތަކަށް ތިންރޫމް އެޕާޓްމެންޓެއްގައި ލާނެ ނިޕޯން ޕެއިންޓާއި ކުލަ ލައިދިނުމުގެ ޚިދުމަތް ލިބޭނެއެވެ. 

މީގެ އިތުރުން މުޅި ޕްރޮމޯޝަން ނިމޭއިރު އެއްވަނައަށް ހޮވޭ ފަރާތަށް ތުރުކީ ދެކޮޅު ޓިކެޓް، ދެވަނަ ފަރާތަށް ހޯމް އެޕްލިއަންސް ޕެކޭޖެއް އަދި ތިންވަނަ ނަސީބު ވެރިޔާއަށް 65 އިންޗީގެ ފިލިޕްސް ޓީވީއެއް ލިބޭނެއެވެ.

ކޮންމެ އަހަރަކުވެސް އެސްޓީއޯއިން ބާއްވާ ރޯދަ ބާޒާރަކީ، ރޯދައަށް ބާޒާރުކުރަން ބޭނުންވާ ފަރާތްތަކަށް ވަރަށް ބޭނުންތެރި އަދި އާއްމުންގެ މެދުގައި މަޤުބޫލު ބާޒާރެކެވެ.