މިއަދު ކުރިއަށްދާ ބައި އިލެކްޝަންތަކުގައި ރަސްމީކޮށް އެއްވެސް ޝަކުވާއެއް އިލެކްޝަންސް ކޮމިޝަނަށް ހުށަހަޅާފައި ނުވާ ކަމަށް އެ ކޮމިޝަނުން ވިދާޅުވެއްޖެއެވެ.

އިލެކްޝަން ކޮމިޝަނުން ވިދާޅުވީ، މިއަދު ކުރިއަށްދާ ބައި-އިލެކްޝަނާއި ގުޅިގެން ނުރަސްމީ ޝަކުވާއެއް ހުށަހެޅި ކަމަށާއި ނަމަވެސް އެ މައްސަލަ މިހާރު ހައްލު ވެފައިވާ ކަމަށެވެ. އަދި މިހާތަނަށް ބަލާއިރު އިންތިޚާބުގެ ހުރިހާ ކަމެއް ވެސް ކުރިއަށްދަނީ ވަރަށް އަމާންކަމާއެކުގައި ކަމަށް އީސީން ވިދާޅުވެއެވެ.

ފުއާދު ވަނީ ސިޔާސީ ޕާޓީތަކުންނާއި ކެންޑިޑޭޓުން އަދި ސަރުކާރުން ވެސް މިނިވަންކަމާއެކު ވޯޓުލުމުގެ ފުރުސަތު ރައްޔިތުންނަށް ފޯރުކޮށްދިނުމަށް އިލްތިމާސްކުރައްވާފައެވެ. ބައެއް ފަރާތްތަކުން ފަހުވަގުތު ވޯޓުލާން ދާން ތިބޭކަން ފާހަގަކުރައްވައި އީސީން ވިދާޅުވީ،  ފަހުވަގުތަށް މަޑުނުކޮށް ވީހާވެސް އަވަހަށް ވޯޓުލާން ދިއުމަށް އިލްތިމާސްކުރާކަމަށެވެ.

މިއަދުގެ ބައި އިލެކްޝަންގެ ވޯޓުލުން ކުރިއަށްދާނީ ހެނދުނު 08:00 އިން 17:00 އާ ހަމައަށެވެ. މިއަދު ކުރިއަށްދާ ބައި އިލެކްޝަންތަކުގައި 56,002 މީހަކަށް ވޯޓުލުމުގެ ޙައްގު ލިބިފައިވާއިރު މިއަދު މެންދުރު 15:00 އާހަމައަށް ވޯޓުލާފައިވަނީ 12،198 މީހުންނެވެ. އެއީ ޖުމްލަ ވޯޓުލެވޭ މީހުންގެ 21.78 އިންސައްތައެވެ.