Advertisement

ފޮޓޯ: އެމްޑީޕީ

12 Jan 2024
ޚަބަރު

މި ސަރުކާރުން ރައްޔިތުން މާޔޫސްކޮށްލައިފި: ރައީސް ސޯލިހް

މުޅި ރާއްޖޭގެ ރައްޔިތުން މިހާރު ތިބީ މި ސަރުކާރު ގެނެވުމުން ކަންބޮޑުވެފައި ކަމަށާއި ސަރުކާރާ މެދު އޮތް އުއްމީދު ގެއްލި، މާޔޫސްވެއްޖެކަމަށް ކުރީގެ ރައީސް އިބްރާހިމް މުހައްމަދު ސޯލިހު ވިދާޅުވެއްޖެއެވެ. އެކަނިކުފާނު މިހެން ވިދާޅުވީ ރޭ އެމްޑީޕީގެ ފަރާތުން މޭޔަރ ކަމަށް ވާދަކުރައްވާ އާޒިމްގެ ކެންޕެއިން ހަރަކާތެއްގައި ވާހަކަދައްކަވަމުންނެވެ. 

މި ޖަލްސާގައި ރައީސް ސޯލިހު ވިދާޅުވީ ހެދި ދޮގުތަކާ އެކު ނަމަވެސް، ބަޔަކު ވެރިކަމަށް އަތުވެއްޖެ ކަމަށާއި އެ މީހުންނާ މެދު ރައްޔިތުންގެ އުއްމީދުތަކަކާއި ބޭނުންތަކެއް އޮތް ކަމަށެވެ.

"ހަމައެކަނި މާލޭގެ ރައްޔިތުންނެއް ނޫން. މުޅި ރާއްޖޭގެ ރައްޔިތުން ވެސް މިއަދު ތިބީ މި ކުރެވުނު ކަންތަކާ މެދު ކަންބޮޑުވެފައި."

ސޯލިހު ވިދާޅުވީ އެމްޑީޕީ މިއަދު އޮތީ އިދިކޮޅު ޕާޓީގެ ގޮތުގައި ކަމަށާއި މި ސަރުކާރު ޖަވާބުދާރީކުރުވުމަށް ކުރަން ޖެހޭ ހުރިހާ މަސައްކަތެއް އެ ޕާޓީން ކުރާނެ ކަމަށެވެ. މި ސަރުކާރުން ކުރާ ހުރިހާ ކަމެއްގައި ގާނޫނީ އިމުގެ ތެރެއިން ޖަވާބުދާރީކުރުވަން ފަސްނުޖެހޭނެ ކަމަށާއި އެމްޑީޕީ އަކީ އެކަން ކުރަން އެނގޭ ޕާޓީއެއް ކަމަށް ވެސް ވިދާޅުވި އެވެ.

އެމްޑީޕީގެ މޭޔަރު ކެންޑިޑޭޓަށް ތާއީދުކުރައްވާ ވާހަކަފުޅު ދައްކަވަމުން ސޯލިހް ވިދާޅުވީ އެމަނިކުފާނުގެ ސަރުކާރުގެ ފަސް އަހަރަކީ އެއްފަހަރާ އެންމެ ގިނަ އަދަދަކަށް މަޝްރޫއުތައް ހިންގި ރިޔާސީ ދައުރު ކަމަށެވެ. އޭގެ ގިނަ މަޝްރޫއުތައް ހިންގުނީ، ސޯލިހް ވިދާޅުވި ގޮތުގައި، އާޒިމްގެ ސީއީއޯ ކަމުގެ ދަށުގައި އެމްޓީސީސީންނެވެ.

ނަަމަވެސް ހިތާމައަކީ، އެ ސަރުކާރުގައި ހިންގި %60-%70ގެ މަޝްރޫއޫއުތައް މި ސަރުކާރުން ހުއްޓާލާފައި ވާތީ ކަމަށް ވިދާޅުވެ، ރައީސް މުއިއްޒުގެ ސަރުކާރަށް ސޯލިހު ފާޑުވިދާލުވިއެވެ.

"ލާމަރުކަޒީ ނިޒާމް ރާއްޖެއަށް ތައާރަފްކުރި ބަޔަކީ އެމްޑީޕީ. އެކަން ކުރަން އެނގޭނީ އަޅުގަނޑުމެންނަށް. އާދަމް (އާޒިމް) ނުކުމެ އެ އިންނެވީ އެކަން ކުރަން." ރައީސް ސާލިހް ވިދާޅުވިއެވެ.

ސޯލިހު ވިދާޅުވީ ރައްޔިތުން ބޭނުންވާ ގޮތަށް އެމްޑީޕީގެ ފިކުރާ އެއްގޮތަށް އާދަމް އާޒިމް މާލޭގެ މޭޔަރު ކަން ކުރައްވާނެ ކަމާ މެދު އެއްވެސް ޝައްކެއް ނެތް ކަމަށެވެ. އޭނާ ނުކުމެ ހުންނެވީ ގާނޫނުގެ ދަށުން މޭޔަރަށް މަތިކޮށްފައިވާ ޒިންމާތައް އަދާކުރުމަށް ކަމަށާއި އިތުރު ސަރުކާރެއް ހަދައިގެން ވަކި ސަރުކާރެއް ހިންގާކަށް ނޫން ކަމަށް އެމަނިކުފާނު ވިދާޅުވިއެވެ.

ކޮމެންޓް
އިތުރު އާޓިކަލް
04 Apr 2025
މޯލްޑިްވްސް ޕޮލިސް ސަރވިސް
ގިނަ ބަނގުރާ ފުޅުތަކަކާއެކު ބިދޭސީއަކު ހުއްޓުވައިފި
ބޮނަކުއާ ފުޅިތަކަކަށް ބަނގުރާ އަޅާއިގެން ވޭނެއްގައި ހުޅުމާލޭގައި ދުއްވަމުން ދިޔަ ބިދޭސީއަކު ފުލުހުން ރޭ ހުއްޓުވައިފިއެވެ.
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.