ރާއްޖޭގެ އިރުމަތި ފަރާތުން އިންޑިއާކަނޑުގައި އުފެދިފައިވާ ކޮޅިގަނޑެއް ރާއްޖެ ހުރަސްކޮށް ޢަރަބިކަނޑަށް ދަތުރުކުރަމުންދާތީ ކުރިޔަށް އޮތް ތިންދުވަހު މެދު ރާއްޖެތެރޭގެ ސަރަހައްދުތަކަށް މޫސުމް ގޯސްވާނެ ކަމުގައި މޫސުމާއި ބެހޭ ޤައުމީ އިދާރާއިން ބުނެފިއެވެ.

މޫސުމާއި ބެހޭ ޤައުމީ އިދާރާއިން ބުނީ،  ކުރިއަށް އޮތް 3 ދުވަހު ރާއްޖޭގެ އެކިހިސާބަށް ވިއްސާރަކޮށް، ވައިގަދަވެ، ކަނޑުތައް ގަދަވާނެކަމަށް ލަފާކުރެވޭތީ، މޫސުމަށް ސަމާލުވުމަށް އިލްތިމާސްކުރައްވާ ކަމަށެވެ.

މި ހުސްވި ޑިސެމްބަރު މަހުގެ 31 ވަނަ ދުވަހުވެސް މާލެ ސަރަހައްދަށް ބޯކޮށް ވާރޭވެހި، މާލެއާ ހުޅުމާލޭގައި ފެންބޮޑުވިއެވެ. އަދިގޭގެއަށް ފެންވަނުމުގެ ސަބަބުން ބައެއް ގޭގެއިން އެހެން މީހުން ވަގުތީ ހިޔާވަހިކަމަށް ބަދަލުވެސް ކުރަން ޖެހުނެވެ.