މި އަހަރުގެ ފިތުރު ޢީދު ދުވަހާ ދިމާކޮށް 'ސްޓެލްކޯ ޢީދު މަލާފަތް ޕްރޮމޯޝަން' ގެ ނަމުގައި ފައިސާގެ އިނާމު ލިބޭ ޕްރޮމޯޝަނެއް ސްޓެލްކޯއިން އިއުލާންކޮށްފިއެވެ. 

މި ޕްރޮމޯޝަންގައި 1 ވަނަ, 2 ވަނަ އަދި 3 ވަނަ ހޮވުމަށް ނިންމާފައިވާއިރު, 1 ވަނަ އިނާމަށް ކަނޑައަޅާފައިވަނީ 5,000ރ. އެވެ. ސްޓެލްކޯއިން ބުނެފައިވާ ގޮތުގައި 2 ވަނަ އިނާމަށް 3,000ރ. އަދި 3 ވަނަ އިނާމަށް 2,000ރ. ލިބޭނެއެވެ.

މި ޕްރޮމޯޝަންގައި ބައިވެރިވުމަށްޓަކައި ހަމައެކަނި ކޮށްލަންޖެހޭ ކަމަކީ, އީދު ދުވަހުގެ ސުފްރާމަތީގެ ފޮޓޮއެއް ފޭސްބުކްގައި ޕޯސްޓްކޮށްލުމެވެ. ފޮޓޯ ޕޯސްޓްކުރާއިރު ފޮޓޯގެ ޕްރައިވަސީ ސެޓިންގެ 'ޕަބްލިކް' ގައި ބޭންދުމަށާއި, #stelcoeidmalaafaiy ހޭޝްޓެގް ބޭނުންކުރުމުން މި ޕްރޮމޯޝަންގައި ބައިވެރިވުމުގެ ޝަރުތުތައް ފުރިހަމަވީއެވެ. ފޮޓޯ ޕޯސްޓް ކުރުމުގެ ސުންގަޑިއަކީ 1444 ވަނަ އަހަރުގެ ފިތުރު އީދު ދުވަހުގެ ރޭގަނޑު 11:59 އެކެވެ.

Advertisement

މި ޕްރޮމޯޝަނާއި ގުޅިގެން ސްޓެލްކޯއިން އިތުރަށް ހާމަ ކޮށްފައިވާ ގޮތުގައި, ވަނަ ހޮވުމުގައި ބަލާނީ, އެންމެ ގިނަ 'ލައިކް' އަދި އެންމެ ގިނަ މީހުން 'ޝެއަރ' ކޮށްފައިވާ ފޮޓޯތަކަށެވެ.