Advertisement

މާލޭ ބިހުރޯޒް ކަމަނާއި މިސްކިތާއި އެމިސްކިތުގެ އިރުމަތީ ފަރާތު ހަރިންމަ ތެރޭގައި ހުރި މުޙައްމަދު ތަކުރުފާނުގެ ޒިޔާރަތް --

04 Jan 2024
ޚަބަރު
ޢަލީ ސުލައިމާން

ބިހުރޯޒް ކަމަނާ މިސްކިތް ރައްކާތެރި ކުރުމުގެ ގޮތުން ވަޤުފް އިމާރާތް އެހެން ބިމެއްގައި އެޅުމަށް ހަމަޖައްސަވައިފި

ބިހުރޯޒް ކަމަނާ މިސްކިތާއި އިންވެގެން އެޅުމަށް ކުރުން އިސްލާމިކް މިނިސްޓްރީން ބޭނުންވި ވަޤުފް ޢިމާރާތް އެހެން ބިމެއްގައި އެޅުމަށް ސަރުކާރުން ނިންމަވައިފިއެވެ.

ވަޤުފްބިނާތައް އިތުރުކޮށް، ލިބޭ އާމްދަނީން ދީނީ ކަންކަމަށް ކުރެވޭ ހޭދަ އިތުރު ކުރުމުގެ ގޮތުން މާލޭގައި ދެވަނަ ވަޤުފް ބިނާ އެޅުމަށް އިސްލާމިކް މިނިސްޓްރީން، ވަޒީރުންގެ މަޖިލީހަށް ހުށައެޅުއްވީ، ގަލޮޅު ބިހުރޯޒް ކަމަނާ މިސްކިތާއި އިންވެގެން ދެކުނަށް ހުރި އެމިނިސްޓްރީގެ ގުދަން އިމާރާތް ހުރިބިމެވެ.

އެހެންނަމަވެސް އަންގާރަ ދުވަހު ބޭއްވި ވަޒީރުންގެ މަޖިލީހުގައި މަޝްވަރާކޮށް ނިންމާފައި ވަނީ، ވަޤުފުބިނާ އެތަނުގައި އެޅުމުގެ ބަދަލުގައި، އެބިނާ އެޅުމަށް މާލޭގެ އެހެން ސަރަހައްދަކުން ބިމެން ހަމަޖެއްސެވުމަށްކަމުަގއި އަންގާރަ ދުވަހު ބޭއްވި ނޫސްވެރިންގެ ބައްދަލުވުމުގައި، ރައީސުލްޖުމްހޫރިއްޔާގެ އޮފީހުގެ ޕަބްލިކް ޕޮލިސީ ސެކްރެޓަރީ އަބްދުﷲ ނާޒިމް ވިދާޅުވީ، ބިހުރޯޒް ކަމަނާ މިސްކިތަކީ ތާރީޚީ ބިނާއަކަށް ވާއިރު، އަދި ތާރީޚާއި ޘަޤާފަތް ދިރުވައި އާލާކުރުމަކީ، މިސަރުކާރުގެ ވަރަށް މުހިއްމު އަމާޒަކަށް ވާތީ، މާލޭގައި އިތުރު ވަޤުފް ޢިމާރާތެއް އެޅުމަށްޓަކައި، މާލެއިން އެހެން ބިމެއް ހަމަަޖައްސައި ދެއްވުމަށް ވަޒީރުންގެ މަޖިލީހުގައި މަޝްވަރާކުރެއްވުމަށްފަހުގައި ރައީސުލްޖުމްހޫރިއްޔާ ނިންމެވީ ކަމަށެވެ.

އަދި ވަޤުފް އިމާރާތްކުރުމަށްޓަކައި ބިން ކަނޑައެޅުމުގެ މަސައްކަތް ހައުސިން މިނިސްޓްރީއާއި އިސްލާމިކް މިނިސްޓްރީ ގުޅިގެން ކުރިޔަށް ގެންދިޔުމަށްވެސް ވަޒީރުންގެ މަޖިލީހުން ލަފާދެއްވާފައި ވާކަމުގައި ނާޒިމް ވިދާޅުވިއެވެ.

މާލޭ ބިހުރޯޒް ކަމަނާ މިސްކިތް ތާރީޚީ ގޮތުންނާއި އާސާރީ ގޮތުން ޚާއްސަވަނީ، ދިވެހިރާއްޖޭގެ ޤައުމީ ބަޠަލް އުތީމު މުހައްމަދު ތަކުރުފާނު، ފަހުން އައްސުލްޠާނުން ޣާޒީ މުޙައްމަދު ތަކުރުފާނުލް އަޢުޡަމް އަވަހާރަފުޅުވެ ފަސްދާނުގައިވެޑުވި، އެރަސްފާނުގެ ޒިޔާރަތް ބިނާކުރެވިފައި ވަނީ އެމިސްކިތުގެ ހަރންމައިގެ ތެރޭގައި މިސްކިތުގެ އިރުމަތީ ފަރާތުގައި ކަމަށްވާތީއެވެ.

ރައީސް ޔާމީނުގެ ސަރުކާރުކާރުގައި އިސްލާމިކް މިނިސްޓްރީން 2017 ވަނަ އަހަރު މަރާމާތަށް ބިހުރޯޒް ކަމަނާ މިސްކިތް ބަންދުކުރުމަށްފަހުގައި އަލުން ހުޅުވިއިރު އެމިސްކިތުގެ ހުޅަނގު ފަރާތުން ހުރި ހަރިންމަތެރޭގައި ހުރި، ތާރީޚީ މަހާނަތަކާއި ބިސްތާނުތައް ނައްތައިލިއެވެ. އޭގެ ތެރޭގައި ޕޯޗްގީޒުންގެ އަތްދަށުން ރާއްޖެ ސަލާމަތްކުރުމަށް އުތީމު ތިންބެއިންނާއިި އެކު ޖިހާދުކުރެއްވި، ދުވާފަރު ދަންޑެހެލުގެ މަހާނަކަމަށް ކިޔައި އުޅުނު މަހާނަވެސް ހިމެނެއެވެ.

ކޮމެންޓް
އިތުރު އާޓިކަލް
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.
02 Apr 2025
ޚަބަރު
ހޮޅުދޫ ބޯޓުގައި ރޯވެ އެބޯޓުގައި ހުރި ޒުވާނަކު ގެއްލިއްޖެ
އެމްއެންޑީއެފުން ވިދާޅުވީ، ގެއްލިގެން ހޯދަމުން ދަނީ، ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކަމަށެވެ. އޭނާގެ އިތުރުން އެބޯޓުން ދަތުރު ކުރި އެހެން މީހުން ވަނީ، ސަލާމަތް ވެފައެވެ. އޭގެ ތެރެއިން ދެމީހަކަށް، ތ. ކަނޑޫދޫ ޞިއްޙީ މަރުކަޒުގައި ފަރުވާދެމުން އަންނަ ކަމުގައިވެސް އެމްއެންޑީއެފުން ވިދާޅުވިއެވެ.