Advertisement
އަތޮޅުތެރޭގައި ސިފައިން ފެން ހިއްކުމުގެ މަސައްކަތް ކުރަނީ ---
ބޯކޮށް ވާރޭވެހި މާލެއާ އަތޮޅުތަކުގެ ބައެއް ރަށްރަށުގައި ފެންބޮޑުވެއްޖެ
ބޯކޮށް ވާރޭވެހުމުގެ ސަބަބުން މާލެއާ އަތޮޅުތަކުގެ ބައެއް ރަށްރަށުގައި ފެންބޮޑުވެއްޖެއެވެ.
ނޭޝަނަލް ޑިޒާސްޓަރ މެނޭޖްމެންޓް ސެންޓަރުން ވިދާޅުވީ، މާލޭގެ އިތުރުން، ފ. ނިލަންދޫ، ކ. ގުރައިދޫ، ލ. ގަން އަދި ލ. ފޮނަދޫގެ އިތުރުން ސ. މަރަދޫގައި ފެންބޮޑުވެފައިވާ ކަމަށެވެ. މީގެ އިތރުން މިހާތަނަށް ލިބުނު ރިޕޯޓްތަކަށް ބަލާއިރު، ކ. ގުރައިދޫގެ 20 ގެއަކަށް ފެންވަދެ 3 ގެއަކުން މީހުން ބަދަލުކުރެވިފައިވާ ކަމުގައިވެސް އެންޑީއެމްއޭއިން ވަނީ ބުނެފައެވެ.
މާލޭގައިވެސް ފެން ހިއްކުމުގެ މަސައްކަތް ސިފައިން ނުކުމެ މިހާރު ކުރަމުންދާއިރު، އަތޮޅުތަކުގައި ފެންހިންދުމުގެ މަސައްކަތް ކުރަމުން ދަނީ، ފުލުހުންނާއި ސިފައިން އަދި އެރަށްރަށުގެ އާއްމުން ގުޅިގެންނެވެ.
ކުރިޔަށް އޮތް ތިންދުވަހުވެސް ރާއްޖޭގެ ސަރަހައްދުތަކަށް ވިއްސާރަކޮށް ބޯކޮށް ވާރޭ ވެހޭނެ ކަމުގައި މޫސުމާއި ބެހޭ ޤައުމީ އިދާރާއިން ލަފާކޮށްފައިވެއެވެ.
