އިރުވައި މޫސުުގެ ވިއްސާރަ އާއިއެކު މުޅިރާއްޖެއަށް ވައިޓްއެލާޓް، އަދި ށ އަތޮޅުންފެށިގެން ވ. އަތޮޅަށް ޔެލޯ އެލާޓް ނެރެފިއެެވެ.

މޫސުމާއި ބެހޭ އިދާރާއި ބުނީ، ޔެލޯ އެލާޓްނެރެފައިވާ، މިއަދު ހެނދުނު 9:00 އިން ފެށިގެން މެންދުރުފަހު 1:00އަށް ކަމަށެވެ. އަދި ބޯކޮށްވެހޮ ގުގުރާނެ ކަމަށާއި ވިލާގަނޑުގައި ގަޑިއަކު 45 މޭލަށް ވައިގަދަވާނެ ކަމުގައިވެސް މޫސުމާއި ބެހޭ ޤައުމީ އިދާރާއިން ބުނެފައެވެ.

މީގެ އިތުރުން މުޅި ރާއްޖެއަށްވެސް ވާރޭ ވެހޭނެ ކަމަށާއި، އަދި 40 މޭލަށް ވައިގަދަވާނެ ކަމަށް މުސުމާއި ބެހޭ ޤައުމީ އިދާރާއިން ވަނީ ބުނެފައެވެ.
ރާއްޖޭގެ ސަރަހައްދަށް މޫސުމް ގޯސްވުމާއި ގުޅިގެން ހިނގައިފާނެ ހާދިސާއަކުން ސަލާމަތްވުމަށް ދުރާލާ ރައްކާތެރިކަމުގެ ފިޔަވަޅުތައް އެޅުމަށް އެންޑީއެމްއޭއިންވެސް ވަނީ އިލްތިމާސްކޮށްފައެވެ.

މޫސުމާއި ބެހޭ ޤައުމީ އިދާރާއިން ލަފާކޮށްފައިވާ ގޮތުގައި ކުރިޔަށް އޮތް 3 ދުވަހުވެސް ރާއްޖޭޭގެ ބޮޑު ބަޔަކަށް ވިއްސާރަކޮށް ގުގުރުމާއި އެކު ބޯކޮށް ވާރޭ ވެހެނެއެވެ.