ކުރީސަރުކާރުން ހުޅުމާލެ 3ން ގޯތި ދީފައިވާ މީހުންނަށް ވެލިފުކެއްގެ މިންވަރުވެސް އުނިނުކޮށް މިސަރުކާރުން ގޯތިދޭނެ ކަމުުގައި، އާބަންކޯގެ މެނޭޖިން ޑައިރެކްޓަރ އިބްރާހީމް ފަޒުލް ރަޝީދު ވިދާޅުވެއްޖެއެވެ.

ކުރީ ސަރުކާރުން ހުޅުމާލެއިން ދޫކުރި ގޯތިތައް ރަސްމާލެއަށް ބަދަލުކުރަން އުޅޭކަމުގެ ކަންބޮޑުވުންތައް ފެތުރިފައި ވަނިކޮށް، އަދި މިއަދު ހުޅުމާލެ ފޭސް 3ގެ ތިންވަނަ ބައިގެ ބިންހިއްކުމުގެ މަސައްކަތުގެ ފެށުން ފާހަގަކުރައްވައި ފަޒުލް އެކްސްގައި ކުރެއްވި ޕޯސްޓެއްގައި ވިދާޅުވީ، ކުރީސަރުކާރުން ހުޅުމާލެ 3ން ގޯތި ދީފައިވާ މީހުންނަށް ވެލިފުކެއްގެ މިންވަރުވެސް އުނިނުކޮށް މިސަރުކާރުން ގޯތިދޭނެކަމަށާއި، އިތުރަށް ފުރިހަމަކޮށްދޭނެ ކަމުގައި ފަޒުލް ވިދާޅުވިއެވެ.

ފަޒުލް ވިދާޅުވީ، ހުޅުމާލެ ފޭސް 3 ގެ މަސައްކަތްތައް އެއްވެސް އިރަކު ނުހުއްޓޭކަމަށާއި، ހުޅުމާލެއާ ތިލަފުށި އަދި ރަސްމާލޭގައިވެސް ބާރު ސްޕީޑުގައި މަސައްކަތް ކުރިޔަށްދާކަމަށެވެ. 

Advertisement

ފަޒުލްވިދާޅުވީ އާބަންކޯއިން މަސައްކަތް ކުރަނީ ރައްޔިތުންނަށް ވީހާވެސް އަވަހަށް އަދި ފަސޭހަކޮށް ޚިދުމަތްތައް ދިނުމަށް ކަމަށެވެ. 

3 ފޭސްއަކަށް ބަހާލައިގެން ކުރިއަށް ގެންދިއުމަށް ހަމަޖެހިފައިވާ މި ޕްރޮޖެކްޓްގެ ފުރަތަމަ ފޭސްގެ 10 ހެކްޓަރ ބިން ހިއްކުމުގެ މަސައްކަތް މިހާރު ނިމިފައިވާކަމަށް އާބަންކޯއިން ވަނީ ބުނެފައެވެ. 2ވަނަ ފޭސް ގައި ހިއްކުމަށް ކަނޑައެޅިފައިވަނީ 29 ހެކްޓަރ އެވެ. އަދި ތިން ވަނަ ފޭސް ގައި 24 ހެކްޓަރ އެވެ.