މާލޭގެ ހުކުރު މިސްކިތާއި ހުކުރު މިސްކިތުގެ ވަޅުތައް ސާފުކޮށް އާބާތުރަ ފިލުވުމުގެ މަސައްކަތް ސްޓެލްކޯއިން ފަށައިފިއެވެ.

ސްޓެލްކޯގެ މެނޭޖިންގ ޑައިރެކްޓަރ ޙުސައިން ފަހުމީ ވިދާޅުވީ، ދިވެހިބަހާއި، ސަގާފަތާއި، ތަރިކައާ ބެހޭ ވުޒާރާއާ ގުޅިގެން މިފެށޭ ރަމަޟާން މަހުގެ ކުރިން ހުކުރު މިސްކިތުގެ މުންނާރު (މި އާޘާރީ ތަރިކައިގެ) ގެ އާބާތުރަ ފިލުވާ އެތަން ޒީނަތްތެރިކޮށް ނިންމުމަށް ސްޓެލްކޯއިން މަސައްކަތް ކުރަމުންދާ ކަމަށެވެ.

ފަހުމީ ވިދާޅުވީ، ރައީސުލްޖުމްހޫރިއްޔާ ޑރ. މުޙައްމަދު މުއިއްޒަކީ، ޤައުމީ ތަރިކައަށާއި، ޤައުމިއްޔަތަށް، ވަރަށް ލޯބިކުރައްވާ ، މިފަދަ އާޘާރުތަށް ރައްކާތެރިކޮށް ބެލެހެއްޓުމަށް ވަރަށް ބޮޑު އަހަމިއްޔަތު ކަމެއް ދެއްވާ ބޭފުޅެއްކަމަށެވެ.

ސްޓެލްކޯގެ ސީ.އސް.އާރް ގެ ދަށުން، ހުކުރުމިސްކިތާއި އެމިސްކިތުގެ ހިރިގަލު ދެވަޅާއި، މުންނާރުގެ އާބާތުރަފިލުވައި ބަލަހައްޓައިދިނުމުގެ މަސައްކަތް ސްޓެލްކޯއިން ފަށާފައި ވަނީ 2019 ވަނަ އަހަރުން ފެށިގެންނެވެ.