ރައްޔިތުންގެ މަޖިީހުގައި އެމްޑީޕީ ތަމްސީލްކުރައްވާ މެމްބަރުންގެ ތެރެއިން، 6 މެމްބަރަކު ވެރިކަންކުރާ ޕާޓީ ޕީއެންސީީއަށް ސޮއެކުރައްވާނެ ކަމުގެ އަޑުތަކެއް ގަދަވެއްޖެއެވެ.

ރައްޔިތުންގެ މަޖިލީހުގެ އެމްޑީޕީގެ މެމްބަރުންގެ ތެރޭގައި ހިމެނޭ، މަރަދޫ ދާއިރާގެ އެމްޑީޕީގެ މެމްބަރު އިބްރާހިމް ޝަރީފް (އައްޑޫ ޝަރީފް) ވަނީ، މިހަފްތާގައި އެމްޑީޕީން ވަކިވެވަޑައިގެންފައެވެ. އޭނާވެސް ޕީއެންސީއާ ގުޅިވަޑައިގެންނެވި ވާހަކަތައް ފެންމަތިވިޔަސް އެކަމަށް އޭނާ ޖަވާބެއް ނުދެއްވައެވެ. އެހެން ނަމަވެސް ޝަރީފް އެމްޑީޕީން ވަކިވެވަޑައިގެންނެވި ފަހުން، މެލޭޝިޔާ އެމްބަސީގައި މަސައްކަތްކުރައްވަމުން ގެންދަވާ އޭނާގެ ދަރިކަނބަލުންގެ ވަޒީފާގެ މުއްދަތު މިސަރުކާރުން އިތުރުކޮށްދިނެވެ.

ނަންނުޖަހާގޮތަށް މައުލޫމާތު ދެއްވި އެމްޑީޕީގެ މަޖިލިސް މެމްބަރަކު ވިދާޅުވި ގޮތުގައި އެމްޑީޕީގެ މެމްބަރުންގެ ތެރެއިން، ޕީއެންސީއަށް ސޮއިކުރައްވާ މެމްބަރުންނަށް ސަރުކާރުން ވަނީ ބޮޑެތި އަދަދުތަކުން ފައިސާ ހުށައަޅާފައެވެ. އަދި ސަރުކާރުގެ ބޭނުމަކީ، ކުރިޔަށް އޮތް ދައުރުގައި ރައްޔިތުންގެ މަޖިލީހުގެ ތެރެއިން, ރައީސުލްޖުމްހޫރިއްޔާ އާއި އެމަނިކުފާނުގެ ނާއިބު މަޤާމުން އަޒުލްނުކުރެވޭނެކަން ކަށަވަރުކުރުން ކަމުގައި އޭނާ ވިދާޅުވިއެވެ.

ރައްޔިތުންގެ މަޖިީހުގައި އެމްޑީޕީގެ 56 މެމްބަރުން ތިއްބަވާއިރު، ރައީސުލްޖުމްހޫރިއްޔާ އާއި އެމަނިކުފާނުގެ ނައިބު މަޤާމުން އަޒުލްކުރުމަށް ބޭނުންވާނީ 54 ވޯޓެވެ. އެމްޑީޕީއަށް ރައްޔިތުންގެ މަޖިލީހުގެ މެޖޯރިޓީ ލިބި އެޕާޓީ އެކަންޏަށް މަޖިލީހުގައި، ރައިސުލްޖުމްހޫރިއްޔާ އާއި އެމަނިކުފާނުގެ ނައިބު މަޤާމުން ޢަޒުލްކުރުމުގެ ވޯޓު ހަމަވާ ގޮތް މެދުވެރިވީ، ރައީސުލްުމްހޫރިއްޔާ ޑރ. މުޙައްމަދު މުޢިއްޒަށް ވެރިކަން ލިބިވަޑައިގަތުމުން ސަރުކާރުގެ މަޤާމުތަކަށް ވަޑައިގެންނެވުމަށްޓަކައި، ޕީޕީއެމް ޕީއެންސީގެ ރައްޔިތުންގެ މަޖިލީހުގެ 6 މެމްބަރަކު ގޮނޑިތަށް ދޫކޮށްލެއްވުމުންނެވެ.