ގުޅިފަޅުގެ ބިންހިއްކުމުގެ މަސައްކަތް ކަނޑައެޅިފައިވާ ޝެޑިއަުލާއި އެއްގޮތަށް ކުރިޔަށްދާކަމުގައި، މިނިސްޓަރ އޮފް ކޮންސްޓްރަކްޝަން އެންޑް އިންފްރާސްޓްރަކްޗަރ ޑރ. ޢަބުދުއްﷲ މުައްޠަލިބު ވިދާޅުވެއްޖެއެވެ.

ގުޅިފަޅުގެ މަޝްރޫޢާ ގުޅޭ ގޮތުން، މިނިސްޓަރ ވިދާޅުވީ، ގުޅީފަޅު ހިއްކުމުގެ މަސައްކަތް ޝެޑިއުލާ އެއްގޮތަށް ހުއްޓުމެއް ނެތި ކުރިއަށް އެބަދާ ކަމަށާއި،  ހިއްކުމަށް ކަނޑައަޅާފައިވާ 150 ހެކްޓަރުގެ ތެރެއިން 90 ހެކްޓަރުގެ ބިން މިހާރު ހިއްކިފައިވާ ކަމަށެވެ. އަދި އެ މަސައްކަތް ވީހާވެސް އަވަހަކަށް ނިންމައި، އަސާސީ އުމްރާނީ ވަސީލަތްތައް އެޅުމުގެ މަސައްކަތް ފެށުމަށް ސަރުކާރުން މަސައްކަތް ކުރަމުން އަންނަ ކަމުގައިވެސް މިނިސްޓަރ ޑރ. ޢަބުދުއްﷲ މުައްޠަލިބު ވިދާޅުވިއެވެ.

މާލޭގެ ބޯހިޔާވަހިކަމުގެ މައްސަލައަށް ހައްލު ހޯދުމުގެ ގޮތުން ގުޅިފަޅުން ގޯތި ދިނުމަށް ނިންމައި، ބިން ހިއްކުމުގެ މަސައްކަތް ފެށި 2 ޖުލައި 2023ގައި ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙްގެ ސަރުކާރުންނެވެ.

ގުޅިފަޅު ބިންހިއްކުމުގެ މަޝްރޫޢަކީ، ބޮސްކާލިސް ވެސްޓްމިންސްޓަރ ކޮންޓްރެކްޓިންގ ލިމިޓެޑާ ހަވާލުކޮށްގެން ސަރުކާރުން ކުރިޔަށް ފެށި މަޝްރޫޢުއެކެވެ. މިމަޝްރޫޢުގެ ދަށުން ޖުމުލަ 150 ހެކްޓަރުގެ ބިން ހިއްކާނެއެވެ. އެބިމުގެ ތެރޭގައި ސަރުކާރުގެ ބިންވެރިޔާ ޕްރޮގްރާމްގެ ދަށުން ގޯތި ދޫކުރާ ބިމާއި، މާލޭ ވިޔަފާރި ބަނދަރު، ގުޅިފަޅަށް ބަދަލުކުރުމަށް ބޭނުންވާ ބިން ހިމެނެއެވެ.