ރާއްޖޭގެ ދެކުނަށް މޫސުމް ގޯސްވެ އައްޑޫ ސިޓީއާ ފުވައްމުލަކަށް މޫސުމާއި ބެހޭ ޤައުމީ އިދާރާއިން އޮރެންޖް އެލާޓް ނެރެފިއެވެ.

މޫސުމާއި ބެހޭ ޤައުމީ އިދާރާއިން އައްޑޫއާ ފުވައްމުލަކަށް  މިއަދުގެ 13:20 އިން ފެށިގެން 15:20 އާއި ހަމައަށް އޮރެންޖް އެލާޓް ނެރެ ބުނެފައި ވަނީ، އެ އެދެއަތޮޅަށް ގުގުރުމާއި އެކު ބޯކޮށް ވާރޭވެހި ފެންބޮޑުވާނެ ކަމަށް ލަފާކުރެވޭ ކަމަށެވެ.

އައްޑޫއާ ފުވައްމުލަކަށް، އޮރެންޖް އެލާޓް ނެރުނު އިރު މިއަދުގެ، މެންދުރުފަހު 1:00 އިން ފެށިގެން، ހަވީރު 17:00އާ ހަމައަށް ނ އަތޮޅުންފެށިގެން ދ. އަތޮޅާއި ހަމައަށް ވަނީ ޔެލޯ އެލާޓް ނެރެފައެވެ. މޫސުމާއި ބެހޭ ޤައުމީ އިދާރާއިން ބުނީ، އެވަގުތުތަކުގައި، ގަޑިއަކުން 25 މޭލާއި 30 މޭލާއި ދެމެދުގެ ބާރުމިނުގައި ވައިޖެހޭނެ ކަމަށާއި، ކަނޑުތައް ވަރަށް ބޮޑަށް ގަދަވާނެ ކަމަށެވެ. އެހެންކަމުން ކަނޑު ދަތުރުފަތުރު ކުރައްވާ ފަރާތްތަކުން މޫސުމަށް ބަލައިގެން ދަތުރު ކުރެއްވުމަށް މޫސަުމާއި ބެހޭ ޤައުމީ އިދާރާއިން ވަނީ އިލްތިމާސްކޮށްފައެވެ.

އަދި މިޑިސެމްބަރު މަހުގެ 24 ވަނަ ދުވަހު އިރުވައި މޫސުމް ފެށިފައި ވާއިރު، ކުރިޔަށް އޮތް ތިން ދުވަހުވެސް މޫސުމް ގޯސްވާނެ ކަމުގައި މޫސުމާއި ބެހޭ ޤައުމީ އިދާރާއިން ވަނީ ބުނެފައެވެ.