ކުރިޔަށް އޮތް ހައްޖު މޫސުމުގައި، ދިވެހި ޙައްޖުވެރިންނާ އެކު، އިސް ޝައިޚަކަށް ވަޑައިގަންނަވާނީ ފަޟީލަތުއްޝައިޚު ޑރ އާދަމް ޝަމީމް ކަމުގައި މިނިސްޓަރ އޮފް އިސްލާމިކް އެފެއާޒް ޑރ، މުޙައްމަސު ޝަހީމް ޢަލީ ޝަހީމް ވިދާޅުވެއްޖެއެވެ.

ޝަހީމް މިގެން ވިދާޅުވީ، އެކްސްގައި އެމަނިކުފާނު ކުރެއްވި ޕޯސްޓެއްގައެވެ.

އައްޝައިޚް އާދަމް ޝަމީމްއަކީ، ރާއްޖޭގައި ދީނީ ހޭލުންތެރިކަން ފެތުރުއްވުމަށް، ޚާއްޞަކޮށް ފުރާވަރުގެ ކުދިންނަށް އަމާޒުކޮށް ހިންގި ދީނީ ކޭމްޕްތަކުަގައި އިސްދައުރެއް އަދާކުރެއްވަމުން ގެންދެވި ޝައިޚެކެވެ. އާއްމުންގެ ތެރޭގައި، ޝައިޚް އާދަމް ޝަމީމް ދެއްވި ބައެއް ދަރުސްތައް ވަރަށް ބޮޑަށް މަޤުބޫލުވެގެން ދިޔައެވެ. އޭގެ ތެރޭގައި ރައީސް ނަޝީދުގެ ދައުރުގައި، އިސްލާމީ ޙަޟާރަތުގެ މައިރަށެއް ކަމުގައިވާ "އަންދަލުސް" އާއި ބެހޭ ގޮތުން ދެއްވި ދަރުސް ވަރަށް ބޮޑަށް ފާހަގަކޮށްލެވެއެވެ.