Advertisement
ވިލިމާލޭގައި ފައިބަރ މަސައްކަތް ކުރާތީ އިހްތިޖާޖުކޮށްފައި. ފޮޓޯ: ސޯޝަލް މީޑިއާ
ވިލިމާލޭގައި ފައިބަރ މަސައްކަތް ކުރާ ފަރާތްތަކަށް ތިލަފުށިން ބިމެއް
ވިލިމާލޭގައި ފައިބަރު މަސައްކަތްތައް ކުރުން ހުއްޓާލަން ތިލަފުށިން ބިމެއް ދޭން ސަރުކާރުން ނިންމައިފިއެވެ.
މާލޭ ސިޓީ ކައުންސިލާ ވަގުތީ ގޮތުން ހަވާލުވެ ހުންނެވި ޑެޕިއުޓީ މޭޔަރު އަހްމަދު ނަރީޝް ވިދާޅުވީ ވިލިމާލޭގައި ކުރަމުންދާ ފައިބަރު މަސައްކަތްތަކަށް ތިލަފުށިން ބިމެއް ހަމަޖައްސަވައި ދެއްވާނެ ކަމަށް ރައީސް ޑރ. މުހައްމަދު މުއިއްޒު ވިދާޅުވެފައިވާ ކަމަށެވެ.
ވިލިމާލެއިން ފައިބަރު މަސައްކަތްތައް ތިލަފުއްޓަށް ބަދަލުކުރުމުން، ރައްޔިތުންނަށް ދިމާވަމުންދާ ގޮންޖެހުންތަކާއި ސިއްހީ މައްސަލަތަކަށް ހައްލު ލިބޭނެ ކަމަށް ނަރީޝް ވިދާޅުވިއެވެ.
އޭނާ ވިދާޅުވި ގޮތުގައި ފައިބަރު މަސައްކަތް ކުރާއިރު އަރާ ކުނޑިން ގެއްލުންވާތީ ވިލިމާލޭ ރައްޔިތުންގެ ޝަކުވާ އަބަދު ވެސް ކައުންސިލަށް ލިބޭކަމަށެވެ.
ވިލިމާލޭގައި ފައިބަރު މަސައްކަތް މިހާރު ކުރަނީ އެ ރަށުގެ އިރުމަތީ ފަރާތުގައެވެ. ތިލަމާލެ ބްރިޖް އެޅުމަށް އެ ސަރަހައްދަށް ފައިބަރު މަސައްކަތްތައް ބަދަލުކުރުމުން، އާންމުންގެ ޝަކުވާ ބޮޑުވެ، އިހުތިޖާޖު ވެސް ކުރިއެވެ.
