ގޮތުން، ސުނާމީ ކާރިސާގައި ނިޔާވި މީހުންނާއި ގެއްލުނު މީހުންގެ ހަނދާނުގައި މިއަދު ހެނދުނު ގެނައި ސުކޫތުގައި ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ބައިވެރިވެވަޑައިގެންފިއެވެ.

ދިވެހިރާއްޖޭގެ ރަށްތަކަށް ސުނާމީގެ ބިޔަ ރާޅުތައް އަރަންފެށީ، 2004 ވަނަ އަހަރުގެ ޑިސެމްބަރުމަހުގެ 26 ވަނަ ދުވަހުގެ ހެނދުނު 9:23ގައެވެ.

ސުނާމީ ކާރިސާގެ ހަނދާނީ ސްކޫތުގައި ބައިވެރިވިމުގެ ރަސްމިއްޔާތު ބާއްވާފައިވަނީ ކުރިން ހުރަވީ ބިލްޑިންގ ހުރި ބިމުގައެވެ. އެތަނުގައި ގެނައި ސްކޫތުގައި ސަރުކާރުގެ އިސްވެރިންގެ އިތުރުން ރައީސުލްޖުމްހޫރިއްޔާގެ އޮފީހުގެ މުވައްޒަފުންނާއި، އެ ސަރަހައްދުގައި ހުރި ސަރުކާރު އޮފީސްތަކުގެ މުވައްޒަފުން ބައިވެރިވިއެވެ.

2004 ވަނަ އަހަރު ދިވެހިރާއްޖެއަށް ކުރިމަތިވި ސުނާމީ ކާރިސާގައި 82 މީހުން މަރުވެ 26 މީހުން ގެއްލުނެވެ. އެހާދިސާގައި ގެއްލުނު 26 މީހުންގެ ތެރެއިން އެއްވެސް މީހަކު ފެނިފައެއް ނުވެއެވެ. މީގެ އިތުރުން އެހާދިސާ އާއި ގުޅިގެން 13000 މީހުންގެ ގެދޮރުގެއްލުނެވެ.