މަރުގެ ހުކުމް ތަންފީޒްކުރުމާއި ގުޅޭގޮތުން މިއަދު ހޯމް މިނިސްޓަރު ޢަލީ އިޙްސާން ދެއްކެވި ވާހަކަފުޅަށް ކުރީގެ ރައީސުލްޖުމްހޫރިއްޔާ އަލްއުސްތާޛު މައުމޫނު ޢަބުދުލްޤައްޔޫމް ނުސީދާ ގޮތެއްގައި ރައްދުދެއްވައިފިއެވެ.

ރައީސް މައުމޫނު އެކްސްގައި ލިޔުއްވި ޕޯސްޓެއްގައި ވަރަށް ބޮޑަށް މަޢާފަށް އެދެމުން ވިދާޅުވީ، މަރުގެ ޙުކުމް ތަންފީޒު ކުރުމަކީ ޤައުމީ ތަރައްޤީގެ އުސް ލަނޑުދަނޑިއެއް ކަމެއް އެމަނިކުފާނު ނުދެނަހުރިކަމަށެވެ.

މިސަރުކާރުން މަރުގެ ހުކުމް ތަންފީޒް ކުރާނޭ ކަމުގައި ވިދާޅުވެ، މިއަދު ބޭއްވި ނޫސްވެރިންގެ ބައްދަލުވުމުގައި، ހޯމް ލޭންޑް މިނިސްޓަރު އަލީ އިހުސާން ވިދާޅުވީ، މިސަރުކާރުން މަރުގެ ހުކުމް ތަންފީޒް ކުރާނޭ ކަމަށާއި، އެކަމަށްޓަކައި ޤާނޫނާއި ޤަވާއިދުތަކުގެ އިމުގެ ތެރޭން ކުރަން ހުރިކަންކަން ކުރާނޭ ކަމަށެވެ.

މަރުގެ ހުކުމް ތަންފީޒް ކުރެވޭނީ ޝަރުޢީ ތިން މަރުޙަލާ ނިމިފައިވާ މީހުންގެ މައްޗަށް ކަމަށްވާއިރު، ދިވެހިރާއްޖޭގެ ސްކްރީމްކޯޓުން މަރުގެ ޙުކުމް ދަމަހައްޓާފައިވާ 4 މީހަކު މާފުށީ ޖަލުގައި ބަންދުކޮށްފައި އެބަތިއްބެވެ.

ރާއްޖޭގައި އެންމެ ފަހުން މީހެއްގެ މައްޗަށް މަރުގެ ޙުކުމް އިއްވައި، ޙުކުމް ތަންފީޒްކޮށްފައި ވަނީ، 7 އޭޕްރީލް 1953 ގައެވެ. އެފަހަރު މަރުގެ ހުކުމް ތަންފީޒްކޮށްފައި ވަނީ ހުވަދު އަތޮޅު އަތޮޅުވެރިޔާ މަރާލުމުގެ ކުށުގައި ނިލަންދޫ ޙަކީމް ދީދީގެ މައްޗަށެވެ. އޭނާގެ މައްޗަށް މަރުގެހުކުމް ތަންފީޒްކުރީ ބަޑިޖަހައިގެންނެވެ.