ހުޅުމާލެ 03 ވަނަ ފިޔަވަހީގެ ބިން ހިއްކުމުގެ މަސައްކަތުގެ ދެވަނަފިޔަވަހީގެ މަސައްކަތް މިހަފްތާތެރޭގައި ކުރިއަށް ގެންދިއުމަށް ހަމަޖެހިފައިވާތީ އެސަރަހައްދުގެ ފަޅުތެރޭގައި އަޅާފައިވާ އުޅަނދުތައް ނެގުމަށް އާބަންކޯއިން އަންގައިފިއެވެ.

އާބަންކޯއިން ބުނީ ހުސްކުރަންޖެހޭ ސަރަހައްދަކީ އާއްމުކޮށްފައިވާ ޗާޓުގެ ސްޓޭޖް 2، ސައިޓް ބީ ނުވަތަ ފެހި ކުލައިނާއި ރަތް ކުލައިން ފާހަގަކޮށްފައިވާ ސަރަހައްދުކަމަށެވެ.

އަދި ނަގާ އުޅަނދުތައް މި ސަރަހައްދުގެ ބޭރުގައި އެޅުމުގެ ފުރުސަތު ވަނީ ފަހިކޮށްދެވިފައި ވާކަމަށާއި އެކަމާއިގުޅިގެން އިތުރު މައުލޫމާތެއް ބޭނުންފުޅުވާނަމަ އާބަންކޯގެ ހޮޓްލައިން 1516 އަށް ގުޅުއްވައި މައުލޫމާތު ސާފުކުރެއްވުމަށް އެދޭކަމުގައިވެސް އާބަންކޯއިން ވަނީ ބުނެފައެވެ.

Advertisement

މި މަޝްރުއަކީ މާލެ ސަރަހައްދުގައި ކުރިމަތިވެފައިވާ ބޯހިޔާވަހިކަމުގެ މައްސަލައަށް ހައްލުހޯދައިދިނުމަށް ކުރިއަށް ގެންދެވޭ މަޝްރޫއެއް ކަމަށާއި، އެމަޝްރޫއުގެ ދަށުން ހުޅުމާލެ ފޭސް 3ގައި 63 ހެކްޓަރުގެ ބިން އިތުރުކުރުމަށްވަނީ ހަމަޖެހިފައި ކަމުގައިވެސް އާބަންކޯއިން ވަނީ ބުނެފައެވެ.