ދިރާސީ އަހަރުގެ ދެވަނަޓާމުގެ ކިޔެވުން ފެށޭއިރު ދަރުމަވަންތަ ސްކޫލާއި އިންވެގެން ހުރި، މާލޭ ޖަލު ހުސްކުރުމަށް މަސައްކަތްކުރަމުންދާކަމުގައި، މޯލްޑިވްސް ކަރެކްޝަނަލް ސަރވިސްއިން ބުނެފިއެވެ.

ކޮމިޝަނަރ އޮފް ޕްރިޒަންސް ކޮމިޝަނަރ އޮފް ޕްރިޒަންސް ޙަސަން ޒަރީރު ވިދާޅުވީ، މާލޭ ޖަލު ހުސްކުރުމަށްޓަކައި، މާފުށީ ޖަލާއިި އައްސޭރިޖަލުގައި، ޖާގަ އިތުރު ކުރުމުގެ މަސައްކަތް ކުރަމުން އަންނަ ކަމަށެވެ. މީގެ އިތުރުން ބޭސްފަރުވާ އާއި އެނޫންވެސް ބޭނުންތަކުގައި މާލެ ގެނެވޭ ގައިދީން ބޭތިއްބުމަށް މަޖުދުއްދީން ދަނާލުގެ ފުރަގަހުން ހުންނަ އެސަރވިސްގެ އެނެކްސްވެސް ތައްޔާރުކުރުމުގެ މަސައްކަތް ކުރަމުން އަންނަ ކަމުގައި އޭނާ ވިދާޅުވިއެވެ.

ދަރުމަވަންތަ ސްކޫލު އަޅާފައި ވަނީ މާލޭ ޖަލާއި އިންވެގެންނެވެ. އެހެންވެ ޖަލުގެ ސަބަބުން ކިޔަވާކުދިންނަށް ނޭދެވޭ އަސަރުތައް ކުރާނެކަން ފާހަގަކުރެވޭތީ މާލޭ ޖަލު ހުސްކުރުމާއި ގުޅޭ ކަންތައްތަކެއް ކުރީގެ ސަރުކާރުގައިވެސް ވަނީ ކޮށްފައެވެ.