އެސްޓީއޯގެ 59 ވަނަ އަހަރީ ދުވަހާ ގުޅިގެން 2 ދުވަހުގެ ސޭލްއެއް ފަށައިފިއެވެ. އެސްޓީއޯގެ އަހަރީ ދުވަހަކީ މިއަދެވެ.

އެ ސޭލް ކުރިއަށްދާނީ މިއަދުން ފެށިގެން މާދަމާގެ ނިޔަލަށެވެ. އެސްޓީއޯ ޕީޕަލްސް ޗޮއިސް އާއި ރީޖަނަލް ފިހާރަތަކުގައި ވެސް އެ ސޭލް ކުރިއަށް ދާނެކަމަށް ވަނީ ބުނެފައެވެ.

އެސްޓީއޯ އިން ބުނީ މި ހާއްސަ ސޭލްގައި ކަސްޓަމަރުން ކުރާ ކޮންމެ ވިޔަފާރިއަކަށް 20 ޕަސެންޓާ ހަމައަށް ބޮޑެތި ޑިސްކައުޓްތައް ލިބިގެންދާނެ ކަމަށެވެ.

Advertisement

އަހަރީ ދުވަހާއި ގުޅުވައިގެން މިއަދު ވިޔަފާރި ކުރާ ކަސްޓަމަރުންގެ ތެރެއިން 59 ފަރާތަކަށް އެކިއެކި ސަޕްރައިޒް ހަދިޔާ ލިބޭނެ ކަމަށް އެސްޓީއޯއިން ވަނީ ބުނެފައެވެ.

އެސްޓީއޯގެ އަހަރީ ދުވަހާ ގުޅުވައި 2022 ވަނަ އަހަރު ކުރިޔަށް ގެންދިޔަ ސޭލްއަށް ވެސް ކަސްޓަމަރުންގެ ފަރާތުން ބޮޑު ތަރުހީބެއްވަނީ ލިބިފައިވާކަމަށް ވަނީ ބުނެފައެވެ.

އެސްޓީއޯގެ އަހަރީ ދުވަހާއި ގުޅިގެން ކުރިއަށްގެންދާ އިތުރު ހަރަކާތްތަކުގެ ތެރޭގައި ކުންފުނީގެ ތާރީހާ ބެހޭ ގޮތުން ހާއްސަ ސޯޝަލް މީޑިއާ ކެމްޕެއިނެއް ހިންގުމަށް ވެސް އެކުންފުނިން ވަނީ ރާވާފައެވެ. އަދި އެސްޓީއޯގެ މުވައްޒަފުންގެ މެދުގައި އަގުހުރި ގިނަގުނަ އިނާމުތައް ލިބޭނޭހެން އެކިއެކި ހަރަކާތްތައް ހިންގުމަށް ވެސް ވަނީ ރާވާފައެވެ.