އިންޓަނެޓަކީ މިހާރު އަހަރެމެންގެ ދިރިއުޅުމުގެ އެއްބައެވެ. މޫނިފޫހިފިލުވުމަށާއި، ދުނިޔޭގެ އެކިކަންކޮޅުތަކުގައި ހިނގަމުންދާ ހާދިސާތަކުގެ ޚަބަރުތައް ދިރާސާ ކުރުމަށާއި އަދި ކަންކަން ދަސްކުރުމަށް ވެސް މިހާރު އިންޓަނެޓަކީ އެންމެ ގާތް އެކުވެރިޔާއެވެ.

ފާއިތުވެގެން މިދާ 2023 ވަނަ އަހަރަކީ ދުނިޔޭގެ މަޝްރަހުގައި ގިނަ ކަންތައްތަކެއް ހިނގާފައިވާ، އަދި ހިނގަމުންދާ އަހަރެކެވެ. އެގޮތުން މި އަހަރު އެންމެ ގިނަ ބަޔަކު ގޫގުލް މެދުވެރިކޮށް ހޯދާފައިވާ ހަބަރުތަކަށް ބަލާލަމާ ހިނގާށެވެ. މި މައުލޫމާތު މި ހިއްސާކުރަނީ "ގޫގުލް ޓްރެންޑްސް" ގެ ތަފާސް ހިސާބުތަކަށް ރިއާޔަތްކޮށެވެ.

1.       "War in Israel and Gaza"

Advertisement

އިޒްރޭލުން ޣައްޒާއަށް މިހާރު ދެމުންގެންދާ ހަމަލާތަކުގެ ޙަބަރުތައް އެންމެ ގިނަ ބަޔަކު ހޯދާފައިވަނީ އޮކްޓޯބަރ 8-14 އާއި ދެމެދުއެވެ. ނަމަވެސް އޮކްޓޯބަރ ފަހުކޮޅަށް އައިއިރު މި އަދަދު ވަނީ %75 އަށް މަދުވެފައެވެ.

2023 އޮކްޓޯބަރ މަހުގެ 7 ވަނަ ދުވަހު ހަމާސް އިން އިޒްރޭލަށް ދިން ހަމަލާއަކާ ގުޅިގެން އިޒްރޭލު ސިފައިން ވަނީ ފަލަސްތީނާ ދެކޮޅަށް ހަނގުރާމަ އިއުލާންކޮށްފައެވެ. އަދި އެދުވަހުގެ ފަހުން މިއަދާއި ހަމައަށް އައިއިރު އަންހެނުންނާއި ކުޑަކުދިން ހިމެނޭހެން ފަލަސްތީނުގެ އެތައް ބަޔަކު ވަނީ ޝަހީދުކޮށްލާފައެވެ.

މި ގަތުލްއާންމާ ދެކޮޅަށް ދުނިޔޭގެ އެކި ކަންކޮޅުތަކުގައި އަންނަނީ އަޑުއުފުލަމުންނެވެ. ނަމަވެސް އިޒްރޭލުން އަންނަނީ ހުއްޓުމެއްނެތި ފަލަސްތީނުގެ ޣައްޒާއަށް ހަމަލާދެމުންނެވެ.

2.       "Titanic submarine"

ގޫގުލްގައި "ޓައިޓޭނިކް ސަބްމެރިން" ޖަހައިގެން މީހުން ހޯދަންފެށީ ޓައިޓޭނިކް ފެތިފައި އޮތް ސަރަހައްދު ބަލަން، ފަތުރުވެރިންތަކެއް ގޮވައިގެން ދަތުރުކުރަމުން ދިޔަ ސަބްމެރިންއެއް ގެއްލިގެން އެޓްލާންޓިކް ކަނޑުގެ މެދުގައި "ސާޗް އެންޑް ރެސްކިއު" އޮޕަރޭޝަނެއް ފެށުމާއި ގުޅިގެންނެވެ. މި ސަބްމެރިން ގެއްލުނުއިރު އޭގައި 5 މީހުން ތިއްބެވެ.

މި ސަބްމެރިންގެ ބައިތައް ފަހުންވަނީ ޓައިޓޭނިކް އަޑިއަށް ދިޔަ ހިސާބުން ފެނިފައެވެ. އަދި އޭގައި ތިބި ފަސް މީހުންގެ ތެރެއިން އެކަކުވެސް ސަލާމަތްވެފައެއް ނުވެއެވެ.

މި ޙަބަރާ ގުޅޭ މަޢުލޫމާތު އެންމެ ގިނަ ބަޔަކު ހޯދާފައިވަނީ ޖޫން 18-24 އާއި ދެމެދުއެވެ.  

ގެއްލުނު ސަބްމެރިންގެ ފޮޓޯއެއް

3.       "Turkey earthquake"

މި އަހަރުގެ ފެބުރުއަރީ މަހު ތުރުކީއަށް އައި ބިންހެލުމަކީ މުޅި ދުނިޔެއަށް ސިހުން ލިބުނު ކަމެކެވެ. މި ބިންހެލުން އައިސްފައިވަނީ ސީރިއާ އާއި ތުރުކީ ގުޅޭ ބޯޑަރު ކައިރިއަށެވެ. މި ބިންހެލުމުގެ ފުރަތަމަ ދުވަހުގެ ތަފާސް ހިސާބުތަކަށް ބަލާލާއިރު، 2،800 އަށް ވުރެން ގިނަ މީހުން މަރުވެފައިވެއެވެ. އަދި 8،000 އަށް ވުރެން ގިނަ މީހުން ޒަހަމްވެފައިވެއެވެ.

މި ޙަބަރު އެންމެ ގިނަ މީހުން ހޯދާފައިވަނީ ފެބުރުވަރީ 5-11 އާއި ދެމެދުއެވެ.