މީހަކު ރަހީނުކޮށް މާރާމާރީ ހިންގުމުގެ ކުށުގައި މިމަހުގެ 14 ވަނަ ދުވަހު ހައްޔަރުކުރި ތިން މީހުންގެ ބަންދު މުއްދަތު ޖަހައިފިއެވެ.

ފުލުހުންގެ އިދާރާއިން ވިދާޅުވީ، ބަންދުގެ އެމައްސަލައިގައި ހައްޔަރުކޮށްފައި ވަނީ، އުމުރުން، 25 އަހަރާއި 26 އަހަރާއި އަދި 27 އަހަރުގެ ދިވެހި ތިން ފިރިހެނުން ކަމަށެވެ. އެމީހުންގެ ބަންދާއިމެދު ގޮތެއް ނިންމުމަށް، އިއްޔެ ކޯޓަށް ހާޟިރުކުރުމުން، 15 އަހަރުގެ މީހާ 12 ދުވަހަށް، އަދި އަނެއް ދެމީހުން 5 ދުވަހަށް ބަންދުކުރުމަށް ކޯޓުން އަމުރުދީފައިވާ ކަމުގައި ފުލުހުންގެ އިދާރާއިން ވިދާޅުވެއެވެ. ފުލުހުންގެ އިދާރާއިން ވިދާޅުވީ އެމައްސަލަ ފުލުހުން ދަނީ ތަޙްޤީޤުކުރަމުން ކަމަށެވެ.

އެނގިފައިވާ ގޮތުގައި އެމީހުން ރަހީނުކޮށްފައި ވަނީ، ޕްރޮސެކިއުޓަރ ޖެނެރަލްގެ އޮފީހުގެ ޤާނޫނީ ވަކީލެކެވެ. އެހެންނަމަވެސް އެކަމާއި ގުޅޭ ގޮތުން ޕީޖީ އޮފީހުން އެއްވެސް ވާހަކައެއް ނުދައްކައެވެ.