ކުވޭތުގެ އަމީރު އައްޝައިޚް ނަވާފް އަލްއަޙްމަދު އަލްޖާބިރު އައްޞަބާޙް މިއަދު އަވަހާރަވުމުގެ ހިތާމައިގައި މާދަމާއިން ފެށިގެން ތިން ދުވަށް ވަންދެން ދިވެހި ޤައުމީ ދިދަ ބައިދަނޑިއަށް ތިރުކުރެއްވުމަށް ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ނިންމަވައިފިއެވެ.

ރައީސުލްޖުމްހޫރިއްޔާގެ އޮފީހުން ހާމަކުރައްވާފައިވާ ގޮތުގައި، ކުވައިތުގެ ރައްޔިތުންނަށް ދިމާވި މިޤައުމީ ހިތާމައިގައި ބައިވެރިވުމުގެ ގޮތުން، ރާއްޖޭގެ ޤައުމީ ދިދަ ބައިދަނޑިއަށް ތިރިކޮށްފައި ބެހެއްޓެވުމަށް ނިންމަވާފައި ވަނީ، މިޑިސެމްބަރު މަހުގެ 17، 18 އަދި 19 މިތިން ދުވަހުގައެވެ.

ކުވެއިތާއި ރާއްޖެއާ ދެމެދު ހާރިޖީ ގުޅުން ޤާއިމްކޮށްފައި ވަނީ 01 ޑިސެމްބަރު 1977 ގައި އެވެ. ރާއްޖެއާއި ކުވެއިތާ ދެމެދު އޮތް ޒަމާންވީ ގާތް ގުޅުމުގެ ސަބަބުން ކުވެއިތުންވަނީ ގިނަ އެހީތަކެއް ދީފަ އެވެ.