ވިހޭ ގޮތަށް މަރާލުމަށްފަހު، ޑަސްބިން ބޭގަށްލައި، އދ. ދިގުރަށު ކުނިގޮނޑަށް އެއްލާލާފައި އޮތް ތުއްތު ކުއްޖާގެ ހަށިގަނޑު ޕޯސްޓް މޯޓަމް ހެދުަމަށް އިންޑިއާއަށް ފޮނުވައިފިއެވެ.

ފުލުހުންގެ އިދާރާއިން ވިދާޅުވީ، ތުއްތު ކުއްޖާގެ ހަށިގަނޑު ޕޯސްޓް މޯޓަމް ހެދުމަށްޓަކައި އިންޑިއާއަށް ފޮނުވާފައި ވަނީ އިއްޔެ ކަމަށެވެ. 

ދިގުރަށުގެ ކުނިގޮނޑަށް ޑަސްބިންބޭގަކަށް ލާފައިއެކުޑަކުއްޖާ އެއްލާލާފައި ވަނިކޮށް ފެނުނީ، މި ޑިސެމްބަރު މަހުގެ 3 ވަނަ ދުވަހުގައެވެ. އެމައްސަލައިގައި ފުލުހުން ވަނީ، ދިގުރަށު ގެސްޓް ހައުސްއެއްގައި ވަޒީފާއަދާކުރި ލަންކާ އަންހެނަކު ހައްޔަރުކޮށްފައެވެ. އޭނާ ހައްޔަރުކޮށްފައި ވަނީ، ތުއްތުކުއްޖާ ގޮނޑުން ފެނުނު ދުވަހުގެ މެންދުރުފަހު، ވެލާނާ އިންޓަރނޭޝަނަލް އެއާޕޯޓުންނެވެ.

މިމައްސަލައާއި ގުޅިގެން އެއަންހެންމީހާ މިހާރު ހުރީ ޝަރީއަތް ނިމެންދެން ބަންދުކޮށްފައެވެ.