ޅ. އަތޮޅުގެ ވެރިކަން ކުރާރަށް ނައިފަރުގައި ފެނަކައިން ދޭ ފެނުގެ ޚިދުމަތް ފެންހުސްވުމުގެ ސަބަބުން މެދުކެނޑިއްޖެއެވެ.

ފެނަކަ ކޯޕަރޭޝަނުން ބުނީ، ނައިފަރުގައި ދެމުން އަންނަ ފެނުގެ ޚިދުމަތް މެދުކެނޑިފައިވާ ކަމަށާއި، ގޭގެއަށް ފެނުގެ ޚިދުމަތް ދިނުމަށް ބޭނުންވާ ފެން އުފެއްދުމުގެ މަސައްކަތް މިހާރުވެސް ހިނގަމުންދާ ކަމަށެވެ. އަދި ފެނުގެ ޚިދުމަތް މެދުކެނޑިގެން ދިޔުމުން ކަސްޓަމަރުންގެ ކިބައިން ފެނަކައިން ވަނީ މަޢާފަށް އެދިފައެވެ.

ފެނަކަ ކޯޕަރޭޝަނުން ބުނީ، ފަތިހު 4:00ގެ ކުރިން ގޭގެއަށް އަލުން ފެންދޫކުރެވެން ފަށާނެ ކަމަށެވެ.

Advertisement

ޅ. ނައިފަރުން ފެނުގެ ޚިދުމަތް މެދު ކެނޑިގެން ދިޔައިރު މިމަހުގެ 7 ވަނަ ދުވަހު އައްޑޫ ސިޓީގައި ފެނަކައިން ދެމުންގެންދިޔަ ފެނުގެ ޚިދުމަތްވެސް މެދު ކެނޑިގެން ދިޔައެވެ. އައްޑޫގައި އަލުން ފެނުގެ ޚިދުމަތް ފެށުނީ މާލެއިން ތަކެތި ގެންގޮސް ފެންޕްލާންޓް މަރާމާތުކޮށް 3 ދުވަސް ފަހުންނެވެ.