Advertisement

އެމްޑީޕީގެ ޗެއާ ޕާސަން ފައްޔާޒް އިސްމާއީލް

11 Dec 2023
ޚަބަރު

މިސަރުކާރުން ޗާގޯސް ދިވެހިންނަށް ހޯދައިދޭން ޖެހޭނެ: ފައްޔާޒް

ޗާގޯސްއަކީ ދިވެހިންގެ ތަނެއްކަމަށް ބުނަމުން އަދި އެމްޑީޕީ ސަރުކާރުން ޗާގޯސް ކަނޑު މޮރީޝަސްއަށް ވިއްކާލީކަމަށް ބުނެ ދޮގާއި ފިތުނަވެރި ވާހަކަތަށް ފަތުރައިގެން ވެރިކަމަށް އައިސް ތިބި މީހުން ޗާގޯސް ދިވެހިންނަށް ހޯދައިދޭން ޖެހޭނެ ކަމުގައި އެމްޑީޕީގެ ޗެއާ ޕާސަން ފައްޔާޒް އިސްމާޢީލް ވިދާޅުވެއްޖެއެވެ.

ފައްޔާޒް މިހެން ވިދާޅުވީ، މާލޭ ސިޓީގެ ބައި-އިލެކްޝަންގައި އެމްޑީޕީގެ ޓިކެޓްގައި ވާދަކުރާ ކެންޑިޑޭޓުން ތަޢާރަފްކުރުމަށާއި، އެމްޑީޕީގެ ކެމްޕޭން ރަސްމީގޮތުން ފެށުމަށް ރޭ ބޭއްވި ޖަލްސާގައި ދެއްކެވި ވާހަކަފުޅުގައެވެ.

"މިސަރުކާރުން ޗާގޯސް އަޅުގަނޑުމެންގެ ދިވެހިރާއްޖޭގެ މިލްކިއްޔާތަކަށް ހަދަން ޖެހޭނީ. އެވަޢުދުގެ މަތީގައި ވެރިކަމަށް އައި އެތިބީ."

އެމްޑީޕީގެ ޗެއާ ޕާސަން - ފައްޔާޒް އިސްމާޢީލް

އެމްޑީޕީގެ ސަރުކާރުގެ ދުވަސްވަރު، އިޓްލޮސްއިން ވަނީ، އައްޑޫއާސިޓީއާ، ޗާގޯސް އައިލެންޑްސް އާ ދެމެދުއޮތް ޗާގޯސް ކަނޑުގެ ސަރަހައްދު ހަމަޔަށް ދެބަޔަށް ބަހާފައެވެ. ކަނޑުގެ ސަރަހައްދު ބަހަން ޖެހުނީ، އިންޓަރނޭޝަނަލް ކޯޓް އޮފް ޖަސްޓިސް އައިސީޖޭއަށް، މޮރިޝަސްއިން ޗާގޯސްގެ މައްޗަށް ސިޔާސަދަތީ ބާރުވެރިކަން ހޯދުމަށް ކުރި ދައުވާގައި، ޗާގޯސްއަކީ މޮރިޝަސްގެ ތަނެއް ކަމަށް ކަނޑައަޅައި އައިސީޖޭއިން ހުކުމް ކުރުމާއި ގުޅިގެންނެވެ. އަދި އެނިންމުމާއި އެކު ކަނޑުގެ ސަރަހައްދު ބެހުމަށް މޮރިޝަސްއިން ވަނީ، އިޓްލޮސްއަށް މައްސަލަ ހުށައަޅާފައެވެ.

ރިޔާސީ އިންތިޚާބުގެ ކެމްޕޭނުގެ ތެރޭގައި، މިހާރުގެ ސަރުކާރުގެ އިސްފަރާތްތަކުން ވަނީ، އެމްޑީޕީ ސަރުކާރުން ޗާގޯސްގެ ކަނޑުގެ ސަރަހައްދު ސިއްރު ޑީލެއް ހަަދައި މޮރިޝަސްއަށް ވިއްކާލީ ކަމަށް ބުނެފައެވެ. އަދި މޮރިޝަސްގެ ބޮޑު ވަޒީރަށް ރައީސުލްޖުމްހޫރިއްޔާ ފޮނުއްވެވި ސިޓީފުޅު ހާމަކުރުމަށްވެސް އޭރު ގޮވާލިއެވެ.

މިސަރުކާރަށް މަހެއްވާން ގާތްވެފައި ވާއިރު، އޭރު ވައުދުވި ގޮތަށް، ޗާގޯސްގެ މައްސަލައިގައި ކުރި އެއްވެސް ކަމެއް އަދި ހާމަކޮށްފައެއް ނުވެއެވެ. އަދި ކުރީގެ ރައީސުލްޖުމްހޫރިއްޔާ މޮރިޝަސްގެ ބޮޑު ވަޒީރަށް ފޮނުއްވިކަމަށް ބުނާ ސިޓީފުޅުވެސް މިސަރުކާރުން އަދި ހާމައެއް ނުކުރެއެވެ.

ކޮމެންޓް
އިތުރު އާޓިކަލް
04 Apr 2025
މޯލްޑިްވްސް ޕޮލިސް ސަރވިސް
ގިނަ ބަނގުރާ ފުޅުތަކަކާއެކު ބިދޭސީއަކު ހުއްޓުވައިފި
ބޮނަކުއާ ފުޅިތަކަކަށް ބަނގުރާ އަޅާއިގެން ވޭނެއްގައި ހުޅުމާލޭގައި ދުއްވަމުން ދިޔަ ބިދޭސީއަކު ފުލުހުން ރޭ ހުއްޓުވައިފިއެވެ.
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.