Advertisement
މާލެ ސިޓީ ކައުންސިލްގެ ބައި އިލެކްޝަންގައި ވާދަކުރައްވާ ކެންޑިޑޭޓުން، ރައީސް ޞާލިޙާއި، އެމްޑީޕީގެ ޗެއަރ ޕާސަން ފައްޔާޒް އިސްމާއީލް ---
މާލޭ ސިޓީ ކައުންސިލް އިންތިޚާބަށް އެމްޑީޕީގެ ކެމްޕޭން ރަސްމީކޮށްފަށައިފި
މާލޭ ސިޓީ މޭޔަރ އަދި ކައުންސިލްގެ ހުސްވެފައިވާ 3 ދާއިރާއަށް ވާދަކުރައްވާ މިޕާޓީގެ ކެންޑިޑޭޓުންގެ ކެމްޕޭން ރަސްމީކޮށް ފަށައިފިވެއެވެ.
ފެހި ތަނަވަސް މާލެ ކެމްޕޭން ޝިއާރުގެ ދަށުން، މާލޭ ސިޓީ މޭޔަރ އަދި ކައުންސިލްގެ ހުސްވެފައިވާ 3 ދާއިރާއަށް ވާދަކުރައްވާ އެމްޑީޕީގެ ކެންޑިޑޭޓުންގެ ކެމްޕޭން ރަސްމީކޮށް ފެށުމުގެ ޖަލްސާ ބާއްވާފައި ވަނީ ރޭ އެމްޑީޕީގެ ސޯސަން ޖަގަހަ ކުރިމަތީގައެވެ.
މިޖަލްސާގައި އެމްޑީޕީގެ ރައީސް، އަދި ކުރީގެ ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ވަނީ ބައިވެރިވެވަޑައިގެންފައެވެ.
މިޖަލްސާގައި ވަނީ، އެމްޑީޕީގެ ޓިކެޓްގައި، މާލެ ސިޓީ ކައުންސިލްގެ އިންތިޚާބުގައި ވާދަކުރާ ފަރާތްތައް ތަޢާރަފްކޮށްފައެވެ.
އެމްޑީޕީގެ ޓިކެޓްގައި މާލޭ ސިޓީކައުންސިލް ބައި-އިލެކްޝަންގައި ވާދަ ކުރައްވަނީ؛
- ހެންވޭރު ދެކުނު ދާއިރާއަށް، ޙައްވާ ނިޙްލާ
- މާފަންނު ދެކުނު ދާއިރާއަށް، އަޙްމަދު އިމްރާން
- މެދުހެންވޭރު ދާއިރާއަށް، އަޙްމަދު ރިޝްވާން
- މާލޭ ސިޓީގެ މޭޔަރުކަމަށް، އާދަމް އާޒިމް
އެމްޑީޕީގެ ކެންޑިޑޭޓުން ތަޢާރަފްކުރުމަށާއި ކެމްޕޭން ރަސްމީކޮށް އިފްތިތާޙްކުރުމަށް ބޭއްވި ރަސްމިއްޔާތުގައި، ކުރީގެ ރައީސުލްޖުމްހޫރިއްޔާ އިބްރާހިމް މުހައްމަދު ޞާލިޙާއި އަދި އެމްޑީޕީގެ ޗެއަރ ޕާސަން ފައްޔާޒް އިސްމާޢީޅްގެ އިތުރުން، އެޕާޓީގެ އިސް ހުރިހާ ބޭފުޅުން ބައިވެރިވެވަޑައިގެންނެވިއެވެ.
