Advertisement

ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ---

10 Dec 2023
ޚަބަރު
ޢަލީ ސުލައިމާން

ތެލަސީމީއަށް ޚާއްސަ ހޮސްޕިޓަލެއް އެޅުމަށް ނިންމައިފި

ތެލަސީމިއާ ބަލީގެ ކުދިންނަށް ބޭނުންވާ ފަރުވާތަކަށާއި ޓެސްޓްކުރުމަށްދޭ އާސަންދަ ކަވަރޭޖް ބޮޑުކޮށް، ތެލަސީމިއާ ބައްޔާއި އެބައްޔާއި ގުޅޭ ފަރުވާތަކަށް ޚާއްޞަ ހޮސްޕިޓަލެއް ޤާއިމް ކުރެއްވުމަށް ސަރުކާރުން ނިންމަވައިފިއެވެ.

މިގޮތަށް ނިންމާފައި ވަނީ އާދީއްތަ ދުވަހު ބޭއްވި ވަޒީރުންގެ މަޖިލީހުގައި އެކަމާއި ގުޅޭ ގޮތުން މަޝްވަރާ ކުރެއްވުމަށް ފަހުގައެވެ. ވަޒީރުންގެ މަޖިލީހުގެ ލަަފަޔާއި އެކު ރައީސުލްޖުމްހޫރިއްޔާ ވަނީ ތެލަސީމިއާގެ ފަރުވާތަކަށް އާސަންދަ ލިބުމުގައި ހުރި ދަތިތައް ހައްލުކޮށްދެއްވައި، ސަރުކާރުގެ ޚަރަދުގައި ބޯންމެރޯ ޓްރާންސްޕްލާންޓް ހެދުމަށް މިދައުރުގެ ތެރޭގައި 5 ކުއްޖަކަށް ފުރުޞަތު ދެއްވުމަށް ނިންމަވާފައެވެ.

ވަޒީރުންގެ މަޖިލީހުގެ ނިންމުންތަކާއި ގުޅޭ ގޮތުން ރައީސުލްޖުމްހޫރިއްޔާގެ އޮފީހުގެ، އޮފީހުގެ އަންޑަ ސެކެރެޓަރީ ފޯ ޕަބްލިކް ޕޮލިސީ، މުހައްމަދު ފިރުޒުލް އަބްދުﷲ ޚަލީލު ވިދާޅުވީ، ތެލަސީމިއާއަށް ޚާއްޞަ ހޮސްޕިޓަލް އެޅުމަށް ނިންމާފައި ވަނީ މާލެ ސަރަހައްދުގައި ކަމަށާއި އެކަމަށް 25 މިލިއަން ޑޮލަރުގެ ބަޖެޓެއް ހަމަޖެއްސުމަށްވެސް ވަޒީރުންގެ މަޖިލީހުގައި މަޝްވަރާކޮށްފައިވާ ކަމަށެވެ.

ތެލަސީމިއާ ބައްޔާއި ގުޅޭ ގޮތުން ވަޒީރުންގެ މަޖިލީހުގައި މަޝްވަރާކޮށް ނިންމި މުހިއްމު ނިންމުންތަކުގެ ތެރޭގައި ހިމެނެނީ،

- ތެލަސީމިއާ ކުދިންނަށް ބޭނުންވާ ބޭހާއި ކޮންސިއުމަބަލްސް ފަސޭހައިން ލިބޭނެ އިންތިޒާމު އެސް.ޓީ.އޯ. މެދުވެރިކޮށާއި އާސަންދައިގެ ތެރެއިން ހަމަޖެއްސުން.

- "ޓީ 2 ސްޓާރ ޓެސްޓް"ސަރުކާރުގެ ހޮސްޕިޓަލެއްގައި ހެދޭނެ ވަޞީލަތްތައް ޤާއިމް ކުރުން

- ތެލަސީމިއާ ވާރުތަ ކުރާ ގޮތް ހުރިތޯ ހަދަންޖެހޭ ޑީއެންއޭ ޓެސްޓް އާސަންދައިން  ހެދޭގޮތަށް ހަމަޖެއްސުން.

- ތެލަސީމިއާއަށް ހޭލުންތެރިކުރުމުގެ ޕްރޮގްރާމްތައް ހިންގުން.

- ތެލަސީމިއާއަށް ޓެސްޓްކޮށް، ސްކްރީންކުރުން އިތުރަށް ހަރުދަނާކުރުން.

ރާއްޖެއަކީ އާބާދީގެ ނިސްބަތުން ދުނިޔޭގައިވެސް ތެލަސީމިއާ ބަލީގެ ކުދިންނާއި މީހުން ގިނަ ޤައުމެކެވެ.

ކޮމެންޓް
އިތުރު އާޓިކަލް
04 Apr 2025
މޯލްޑިްވްސް ޕޮލިސް ސަރވިސް
ގިނަ ބަނގުރާ ފުޅުތަކަކާއެކު ބިދޭސީއަކު ހުއްޓުވައިފި
ބޮނަކުއާ ފުޅިތަކަކަށް ބަނގުރާ އަޅާއިގެން ވޭނެއްގައި ހުޅުމާލޭގައި ދުއްވަމުން ދިޔަ ބިދޭސީއަކު ފުލުހުން ރޭ ހުއްޓުވައިފިއެވެ.
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.