ރޭ ހުޅުމާލޭ ސެންޓްރޯ މޯލްގެ ލިފްޓް ތެރޭގައި ފުރާވަރުގެ ކުއްޖަކަށް ހަމަލާދީފައިވާކަމަށް ބުނެ ބައެއް ސޯޝަލް މީޑިއާ ޕްލެޓްފޯމްތަކުގައި ދައުރުވަމުންދާ މައުލޫމާތާއި ގުޅިގެން ބެލި ބެލުމުން މިހާތަނަށް އެފަދަކަމެއް ހިނގާފައިވާކަން އެނގެން ނެތްކަމުގް ފުލުހުންގެ އިދާރާއިން ވިދާޅުވެއްޖެއެވެ.

ފުލުހުންގެ އިދާރާއިން ވިދާޅުވީ، ރޭ ހުޅުމާލޭ ސެންޓްރޯ މޯލްގެ ލިފްޓް ތެރޭގައި ފުރާވަރުގެ ކުއްޖަކަށް ހަމަލާދީފައިވާކަމަށް ބުނެ ބައެއް ސޯޝަލް މީޑިއާ ޕްލެޓްފޯމްތަކުގައި ދައުރުވަމުންދާ މައުލޫމާތާ ގުޅިގެން މިހާތަނަށް ބެލިބެލުމުން ހޮސްޕިޓަލްތަކާއި ކްލިނިކްތަކުން އެފަދަ ކަމެއްގައި ފަރުވާ ހޯދާފައިވާކަމުގެ މަޢުލޫމާތު ލިބިފައި ނުވެއެވެ. އަދި ހާދިސާ ހިނގިތަންކަމަށް ބުނާ ތަނުން އެފަދަ ކަމެއް ހިނގިކަމުގެ މާއްދީ އެއްވެސް ހެއްކެ ލިބިފައިނުވާ ކަމަށެވެ.

ރޭ ހުޅުމާލެ ސެންތްރޯ މޯލްގެ ލިފްޓްގެ ތެރޭގައި އުމުރުން 14 އަހަރުގެ ކުޑަކުއްޖަކަށް ތޫނު އެއްޗަކުން ހަމަލާދީފައިވާކަމަށް އެންމެ ފުރަތަމަ ޚަބަރު ފަތުރާފައި ވަނީ ސޯޝަލް މީޑިއާގައެވެ.