Advertisement

ފެންޕްލާންޓަށް ދިމާވި މައްސަލަ ހައްުލު ކުރަން ފެނަަކައިގެ މުވައްޒަފުން މަސައްކަތް ކުރަނީ -- ފޮޓޯ: ފެނަކަ

09 Dec 2023
ޚަބަރު
ޢަލީ ސުލައިމާން

އައްޑޫގައި ފެނުގެ ޚިދުމަތް ދިނުމަށް ދިމާވި މައްސަަލަ ހައްލުކޮށްފި

އައްޑޫ ސިޓީގެ ގުޅިފައިވާ ރަށްތަކަށް ފެން ފޯރުކޮށްދިނުމަށް ބޭނުންވާ ފެން ޕްލާންޓަށް ދިމާވި މައްސަލަ ހައްލުކުރެވިއްޖެކަމަށާއި ކުޑައިރުކޮޅެއްގެ ތެރޭގައި ފެނުގެ ޚިދުމަތް އަލުން ދޭން ފެށޭނެ ކަމުގައި ފެނަކަ ކޯޕަރޭޝަނުން ބުނެފިއެވެ.

ފެނަކައިގެ މެނޭޖިންގ ޑައިރެކްޓަރ މުއާޛު މުޙައްމަދު ރަޝީދު، "ނޫން.އެމްވީ"އަށް މައުލޫމާތު ދެއްވަމުން ވިދާޅުވީ، މާލެއިން ތަކެތި ފޮނުވައި ފެންޕްލާންޓަށް ދިމާވި ޓެކްނިކަލް މައްސަލަ މިހާރު ހައްލުކުރެވިފައިވާ ކަމަށެވެ. އަދި ފެނުގެ ޚިދުމަތް އަލުން ދޭން ފެށިފައިވާ ކަމަށެވެ.

މައްސަލަ ހައްލުކުރުމަށް ކުރެވުނު މަސައްކަތްތަކާއި ގުޅޭ ގޮތުން ފެނަކަ ކޯޕަރޭޝަނުން ނެރުނު ނޫސްބަޔާނުގައި ބުނެފައި ވަނީ، އައްޑޫ ސިިޓީގެ ފެނުގެ ޚިދުމަތް މެދުކެނޑެން ދިމާވީ، ތާވަލުކުރެވިގެން ފެންޕްލާންޓް މަރާމާރު ކުރުމަށް ކުރަންޖެހޭ މަސައްކަތްތައް ފާއިތުވި ތަނުގައި ކޮށްފައި ނުވާތީ ކަމަށެވެ. އަދި ފެން ޕްލާންޓަށް މައްސަލަ ދިމާވިތާ ކުޑައިރުކޮޅެއްގެ ތެރޭގައި ފެނުގެ ޚިދުމަތް މެދުކެނޑިގެން ދިޔައީ، ފެނުގެ އެކަށީގެންވާ މިންވަރު ސްޓޯރޭޖެއް ޤާއިމް ކުރެވިފައި ނުވާތީކަންވެސް ފެނަކައިން ފާހަގަކޮށްފައި ވެއެވެ.

ފެނަކައިން ބުނީ، ކުރިޔަށް އޮތްތަނުގައި އެފަދަ ކަންކަމަށް ޚާއްޞަ ސަމާލުކަމެއް ދީގެން، ރައްޔިތުންނަށް ފޯރުކޮށްދޭންޖެހޭ ޚިދުމަތްތައް މެދު ނުކެނޑި ދިނުމަށް ކުރަންޖެހޭ އެންމެހައި މަސައްކަތްތައް ހަރުދަނާ އިންތިޒާމްތަކެއްގެ ތެރެއިން ކުރާނެ ކަމުގެ ޔަޤީންކަން ކުންފުނީގެ އެންމެހައި ކަސްޓަމަރުންނަށްދޭ ކަމަށެވެ. އަދި ކުރިޔަށް އޮތްތަނުގައި އައްޑޫ ސިޓީގައި އެކަށީގެންވާ ފެނުގެ ސްޓޯރޭޖެއް ޤާއިމްކުރުމަށް މަސައްކަތް ކުރާނޭ ކަމުގައިވެސް އެކުންފުނިން ވަނީ ބުނެފައެވެ.

މީގެ އިތުރުން ފެނަކަ ކޯޕަރޭޝަނުން ވަނީ، ފެނުގެ ޚިދުމަތް މެދުކެނޑިގެން ދިޔުމުން ދިމާވި ދަތިތަކަށް މަޢާފަށް އެދިފައެެވެ. އަދި މައްސަލަ ހައްލުކުރުމުގައި އެހީތެރިވެދިން ހުރިހާ ފަރާތްތަކަށް އެކުންފުނިން ވަނީ ޝުކުރު އަދާކޮށްފައެވެ.

އައްޑޫ ސިޓީގެ ގުޅިފައިވާ ރަށްތަކުގެ ފެނުގެ ޚިދުމަތް މެދު ކެނޑުނީ، ބުދަ ދުވަހުގެ މެންދުރު ފަހުގައެވެ. އަލުން ފެނުގެ ޚިދުމަތް ފޯރުކޮށްދޭން 76 ގަޑިއިރަށް ވުރެ ގިނަ ވަގުތު ވޭތުވެގެން ދިޔައީ، ފެންޕްލާންޓް މަރާމާތު ކުރަން ބޭނުންވާ ބައެއް ސާމާނު މާލެއިން ގެންދަށް ޖެހުމުންނެވެ.

ކޮމެންޓް
އިތުރު އާޓިކަލް
04 Apr 2025
މޯލްޑިްވްސް ޕޮލިސް ސަރވިސް
ގިނަ ބަނގުރާ ފުޅުތަކަކާއެކު ބިދޭސީއަކު ހުއްޓުވައިފި
ބޮނަކުއާ ފުޅިތަކަކަށް ބަނގުރާ އަޅާއިގެން ވޭނެއްގައި ހުޅުމާލޭގައި ދުއްވަމުން ދިޔަ ބިދޭސީއަކު ފުލުހުން ރޭ ހުއްޓުވައިފިއެވެ.
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.