Advertisement
އައްޑޫ ސިޓީގަިއ ފެނުގެ ޚިދުމަތް ދިނުމަށް ދިމާވި މައްސަލަ ހައްލު ކުރުން --- ފޮޓޯ: ފެނަކަ
އައްޑޫ ސިޓީގެ ގުޅިފައިވާ ރަށްތަކަށް އަލުން މިރޭ ފެނުގެ ޚިދުމަތް ދެވޭނެ
އައްޑޫ ސިޓީގެ ގުޅިފައިވާ ރަށްތަކަށް އަލުން މިރޭ ފެނުގެ ޚިދުމަތް ދޭން ފެށޭނެކަމުގައި ފެނަކަ ކޯޕަރޭޝަނުން ބުނެފިއެވެ.
އެކުންފުނިން ބުނީ، އައްޑޫގެ ގުޅިފައިވާ ރަށްތަކުގެ ފެނުގެ ޙިދުމަތްދޭ އާރް.އޯ ޕްލާންޓްއަށް ދިމާވި މައްސަލަ ހައްލުކުރުމަށް ބޭނުންވާ ވީ.އެފް.ޑީ ހިތަދޫއަށް ގެންގޮސް އިންސްޓޯލް ކުރުމުގެ މަސައްކަތް މިހާރު ވަނީ ފަށާފައި ކަމަށެވެ. މި ވީ.އެފް.ޑީ އައްޑޫ ސިޓީއަށް ގެންގޮސްފައި ވަނީ މިރޭ މޯލްޑިވިއަންގެ ފްލައިޓެއްގައެވެ.
ފެނަކަ ކޯޕަރޭޝަންގެ މެނޭޖިންގ ޑައިރެކްޓަރ މުއާޛު މުޙައްމަދު ރަޝީދު ވިދާޅުވީ، ފެނުގެ ޚިދުމަތް ވީއެންމެ އަވަހަކަށް ފޯރުކޮށް ދިނުމަށް އެކުންފުނީގެ މުވައްޒަފުން މެދުކެނޑުމެއް ނެތި މަސައްކަތް ކުރަމުންދާކަމަށެވެ.
Advertisement
އައްޑޫ ސިޓީގެ ގުޅިފައިވާ ރަށްތަކުން ފެނުގެ ޚިދުމަތް މެދު ކެނޑިފައި ވަނީ އިއްޔެ މެންދުރުން ފެށިގެންނެވެ.
ފެނުގެ ޚިދުމަތް އަލުން ދިނުން ލަސްވެގެން ދިޔައީ، މާލެއިން ބައެއްތަކެތި ގެންދަން ޖެހުމުގެ ސަބަބުންނެވެ.
