Advertisement

ޕީޕީއެމް/ޕީއެންސީގެ ލީޑަރު، ޕީއެންސީގެ ރައީސް އަދި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ---

07 Dec 2023
ޕީޕަލްސް ނެޝަނަލް ކޮންގްރެސް (ޕީއެންސީ)

ރައީސް ޑރ. މުޢިއްޒުގެ އަމާޒަކީ މަޖިލީސް އިންތިހާބުގައި ޕީޕީއެމް ޕީއެންސީއަށް ސުޕަރމެޖޯރިޓީ ހޯދުން

ކުރިޔަށް އޮތް މަޖިލިސް އިންތިޚާބުގައި، ޕީޕީއެމް ޕީއެންސީއަށް މަޖިލީހުގެ ސުޕަ މެޖޯރިޓީ ކާމިޔާބު ކުރެވޭނެ ކަމުގައި ރައީސުލްޖުމްހޫރިއްޔާ، ޑރ. މުޙައްމަދު މުޢިއްޒު ވިދާޅުވެއްޖެއެވެ.

އެމަނިކުފާނު މިހެން ވިދާޅުވީ، ޕީޕިއެންސީގެ އޮފީސް ރަސްމީކޮށް ހުޅުވުމުގެ ގޮތުން ރޭ ބޭއްވި ބައްދަލުވުމުގައި އޮފީސް ހުޅުއްވައި ދެއްވައި ދެއްކެވި، ވާހަކަފުޅު ދައްކަވަމުންނެވެ. ޕީއެންސީގެ ރަސްމީ އޮފީސް ހުޅުވާފައި ވަނީ، ހ. ސީޓްރެކްގެ ހަތްވަނަ ފަންގިފިލާގައެވެ.

އޮފީސް ހުޅުވުމުގެ ރަސްމިއްޔާތުގައި ވާހަކަފުޅު ދައްކަވަމުން ރައީސް، ޑރ. މުޙައްމަދު މުޢިއްޒު ވިދާޅުވީ، މިފަދަ ޖާގަ ތަނަވަސް ބޮޑު ތަނެއް އޮފީސް ހިންގަން ލިބުމަކީ ޕީއެންސީގެ މަސައްކަތްތައް ކުރިއަށް ގެންދިއުމަށް ލިބޭ ވަރަށް ބޮޑު ފަސޭހައަކާއި ކުރިއެރުމަކަށް ވެގެންދާނެ ކަމަށެވެ. މީގެ އިތުރުން ޕާޓީއެއްގެ ގޮތުގައި ޕީއެންސީ އަދި މިހަރަކާތްތެރިވާން ފެށުނީކަންވެސް އެމަނިކުފާނު ފާހަގަކުރެއްވިއެވެ. މިގޮތުން އެއީ ވެރިކަން ލިބި ސަރުކާރު އެކުލަވައިލެވުމަށްފަހުގައި ބޭއްވޭ ފުރަތަމަ ޕާޓީ ޖަލްސާކަންވެސް އެމަނިކުފާނު ފާހަގަކުރެއްވިއެވެ. 

އަދި މީގެ އިތުރުން އެމަނިކުފާނު ވިދާޅުވީ، ކުރިޔަށް އޮތްތަނުގައި ދެ ޕާޓީ ގުޅިގެން ޤައުމީ ޖޯޝުގައި ޤައުމީ ވިސްނުމުގައި އެކުއެކީގައި ޤައުމު އިސްކޮށްގެން ކުރެވޭ މަސައްކަތްތަކުގެ ނަތީޖާއަކަށް ވެގެންދާނީ، ކުރިޔަށް އޮތް ރައްޔިތުންގެ މަޖިލީހުގެ އިންތިޚާބުގައި، ބޮޑު ނަތީޖާއަކުން މަޖިލީހުގެ ސުޕަރމެޖޯރިޓީ ކާމިޔާބު ކުރެވުން ކަމަށެވެ.

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވީ، ގޮންޖެހުންތައް ހުންނާނެ ކަމަށާއި، ގޮންޖެހުންތަކަކީ، ކުރިއެރުމަށް ލިބޭ ހިއްވަރަކަށް ވާންވާނެ ކަމަށެވެ.  

"އަޅުގަނޑުމެންގެ ނިޔަތަކީ، ދީނާއި ޤައުމަށްޓަކައި، ޤައުމުގެ ކުރިއެރުމަށްޓަކައި، ރައްޔިތުންގެ ލާބައަށްޓަކައި މަސައްކަތް ކުރުން. އެހެންވީމާ، އަޅުގަނޑުމެން އެމަސައްކަތުގައި، ހުރިހާއެންމެންނާވެސް ވާހަކަދެކެވި އެންމެން އެކުއެކީގައި، އެންމެން އެއްރޫޙެއްގައި، ޤައުމުގެ ކުރިއެރުމަށްޓަކައި މަސައްކަތް ކުރުމަށް، އިރާދަކުރެއްވިއްޔާ ނަތީޖާ ރަނގަޅުވާނެ." 

ޕީޕީއެމް/ޕީއެންސީގެ ލީޑަރު، ޕީއެންސީގެ ރައީސް އަދި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ---

ޕީއެންސީގެ އޮފީސް ރަސްމީކޮށް ހުޅުވުމަށް ބޭއްވި ރަސްމިއްޔާތަށްފަހުގައި ވަނީ، ‏ޕްރޮގްރެސިވް ކޮންގްރެސް ކޯލިޝަންގެ ޖޮއިންޓް ސެނެޓުގެ ބައްދަލުވުމެއް ބާއްވައި، ސެނެޓަރުންގެ އިއްތިފާގުން ޕީޕީއެމް/ޕީއެންސީގެ ލީޑަރަކަށް ޕީއެންސީގެ ރައީސް އަދި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އިންތިޙާބުކޮށްފައެވެ. ޕީޕީއެމް/ޕީއެންސީގެ ލީޑަރުގެ މަޤާމަކީ، ކުރިން ރައީސް ޔާމީން ހުންނެވި މަޤާމެވެ.  

ކޮމެންޓް
އިތުރު އާޓިކަލް
04 Apr 2025
މޯލްޑިްވްސް ޕޮލިސް ސަރވިސް
ގިނަ ބަނގުރާ ފުޅުތަކަކާއެކު ބިދޭސީއަކު ހުއްޓުވައިފި
ބޮނަކުއާ ފުޅިތަކަކަށް ބަނގުރާ އަޅާއިގެން ވޭނެއްގައި ހުޅުމާލޭގައި ދުއްވަމުން ދިޔަ ބިދޭސީއަކު ފުލުހުން ރޭ ހުއްޓުވައިފިއެވެ.
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.