Advertisement

ފޮޓޯ: ސޯސަލް މީޑިއާ

02 Dec 2023
ޚަބަރު

ވޯލްޑު ޓްރެވަލް އެވޯޑްސްގެ ޓްރެވަލް ޕާސަނަލިޓީ އެވޯޑު ކުރީގެ މިނިސްޓަރ މައުސޫމްއަށް!

ފަތުރުވެރިކަމުގެ ދާއިރާގެ އެންމެ މަޝްހޫރު އެއް އެވޯޑު ކަމުގައިވާ ވޯލްޑު ޓްރެވަލް އެވޯޑްސްއިން ދޭ އަހަރުގެ ޓްރެވަލް ޕާސަނަލިޓީ އެވޯޑު، ކުރީގެ ޓޫރިޒަމް މިނިސްޓަރު ޑރ. އަބްދުﷲ މައުސޫމަށް ލިބިވަޑައިގެންފިއެވެ. 

"ޓްރެވަލް ޕާސަނަލިޓީ އޮފް ދަ ޔިއާ 2023" އެވޯޑު ޑރ. މައުސޫމަށް ދީފައިވަނީ ދުބާއީގެ ބުރުޖް އަލް އަރަބުގައި ބޭއްވި ވޯލްޑު ޓްރެވަލް އެވޯޑްސްގެ ގްރޭންޑު ފައިނަލު ހަފުލާގައެވެ.

ޑރ. މައުސޫމަށް މި އެވޯޑު ލިބިވަޑައިގެންނެވި މައިގަނޑު ސަބަބެއްކަމަށް ވޯލްޑު ޓްރެވަލް އެވޯޑްސްއިން ފާހަގަކޮށްފައިވަނީ ކޮވިޑުގެ ބަލިމަޑުކަމާއެކު ރާއްޖޭގެ ފަތުރުވެރިކަމަށް ކުރިމަތިވި ގޮންޖެހުންތަކުން އަރައިގަނެ، ކޮވިޑުގެ ކުރީގެ ހާލަތަށް ގެންގޮސްދިނުމަށް، އެ ދާއިރާގެ ވަޒީރުގެ ގޮތުގައި ހުންނަވާ ކުރެއްވި މަސައްކަތްތަކެވެ.

ކޯވިޑްގެ ބަލިމަޑުކަމުގައި މުޅި ދުނިޔެ ބަންދުކޮށްފައި އޮއްވައި ކުރީގެ ސަރުކާރުން ރައީސުލްޖުމްހޫރިއްޔާ އިބްރާހިމް މުޙައްމަދު ސާލިހް ރާއްޖޭގެ ބޯޑަރު ހުޅުވާލެއްވުމަށް ނެންގެވި ވަރުގަދަ ނިންމެވުމާއިއެކު އެންމެ ބާރަށް ފަތުރުވެރިކަން ކުރިއެރި މަންޒިލަކީ ރާއްޖެއެވެ. އަދި މުޅި ދުނިޔެވެސް ކޯވިޑަށްފަހު ރާއްޖޭގެ ފަތުރުވެރިކަން ކުރިއެރުވިގޮތް މިސާލެއްގެ ގޮތުގައި ނަގައެވެ. 

މި އެވޯޑް ލިބުމާއިއެކު ކުރީގެ މިނިސްޓަރ މައުސޫމް ވަނީ އޭނާއަށް ލިބުނު މި ކާމިޔާބީ ރާއްޖޭގެ ފަތުރުވެރިކަމުގެ ދާއިރާގައި މަސައްކަތްކުރާ ހުރިހާ ފަރާތްތަކަށް ޑެޑިކޭޓު ކުރައްވާ އެ ފަރާތްތަކަށް ޝުކުރު އަދާކުރައްވާފައެވެ.

މި އެވޯޑް ހަފްލާގައި ރާއްޖެއިން ވަނީ ވިދިވިދިގެން ހަތަރުވަނަ އަހަރު ދުނިޔޭގެ އެންމެ މަގުބޫލު މަންޒިލުގެ އެވޯޑާއި އަލަށް ދޭން ފެށި ރިސެލިއެންސު އެވޯޑު ކާމިޔާބުކޮށްފައެވެ. 

ކޮމެންޓް
އިތުރު އާޓިކަލް
04 Apr 2025
މޯލްޑިްވްސް ޕޮލިސް ސަރވިސް
ގިނަ ބަނގުރާ ފުޅުތަކަކާއެކު ބިދޭސީއަކު ހުއްޓުވައިފި
ބޮނަކުއާ ފުޅިތަކަކަށް ބަނގުރާ އަޅާއިގެން ވޭނެއްގައި ހުޅުމާލޭގައި ދުއްވަމުން ދިޔަ ބިދޭސީއަކު ފުލުހުން ރޭ ހުއްޓުވައިފިއެވެ.
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.