މާލެ ސިޓީގެ މޭޔަރުގެ މަޤާމަށް ވާދަކުރެއްވުމަށްޓަކައި، އާދަމް އާޒިމް އެމްޑީޕީގެ ޕްރައިމަރީގައި ވާދަކުރެއްވުމަށް ފޯމު ހުށައަޅުއްވައިފިއެވެ.

އާޒިމް ފޯމް ހުށައަޅުއްވާފައި ވަނީ މިއަދު އެވެ.

އެމްޑީޕީގެ މޭޔަރު ޕްރައިމަރީގައި ވާދަކުރެއްވުމަށް ހުށައެޅުއްވި ފޯމާއި، ޕާޓީގެ ފަރާތުން ހަވާލުވެވަޑައިގެންނެވީ، ޕާޓީގެ ޗެއާޕާސަން އާދަމް އާޒިމެވެ.

ފޯމް ހުށައެޅުއްވުމަށްފަހު އާޒިމް ވިދާޅުވީ، މާލޭގެ މޭޔަރު ކަމުގެ މަޤާމަށް ވާދަކުރެއްވުމަށް ނިންމެވީ، މާލެއަށް ހެޔޮ ބަދަލެއް ގެނެސްދިނުމަށް ކަމަށެވެ. އާޒިމް ވިދާޅުވީ، އޭނާގެ އަމާޒަކީ މާލެއަކީ، މީހުން ދިރިއުޅެން ހިތް އެދޭފަދަ ހިތްފަސޭހަ ތަނަކަށް ހަދައި ދިނުން ކަމަށެވެ.

އާދަމް އާޒިމްއަކީ، ރައީސް ޔާމީނުގެ ސަރުކާރާއި، އަދި ނިމި ދިޔަ ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙްގެ ސަރުކާރުގައިވެސް ސަރުކާރުގެ ކުންފުނިތައް ހިންގަވައި، ރައްޔިތުންގެ އިތުބާރާއި ތާއީދު ހޯއްދަވާފައިވާ ބޭފުޅެކެވެ.

ރައީސުލްޖުމްހޫރިއްޔާގެ މަޤާމަށް މާލޭ ސިޓީގެ މޭޔަރު ކަމުގައި ހުންނެވި، ޑރ. މުޙައްމަދު މުޢިއްޒު ހޮވިވަޑައިގެންނެވުމާއި ގުޅިގެން މާލޭގެ މޭޔަރުކަމުގެ ގޮނޑި ވަނީ ހުސްވެފައެވެ. އަދި މާލޭ ސިޓީ ކައުންސިލަށް މޭޔަރަކު ހޮވުމަށްޓަކައި، ބައި-އިލެކްޝަނެއް ބާއްވާނެކަން އިލެކްޝަންސް ކޮމިޝަނުން ވަނީ އިޢުލާނުކޮށްފައެވެ.

މާލޭގެ މޭޔަރުކަމުގެ މަޤާމަށް ބޭފުޅަކު އިންތިޚާބު ކުރުމަށްޓަކައި ބާއްވާ، ބައި-އިލެކްޝަންގެ ވޯޓުނެގުމަށް ހަމަޖައްސާފައި ވަނީ، މިއަންނަ ޖެނުއަރީ މަހުގެ 13 ވަނަ ދުވަހެވެ.