ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑުން ސަރުކާރުގެ 21 ކުންފުންޏަކަށް މެނޭޖިންގ ޑައިރެކްޓަރުން އައްޔަނުކޮށްފިއެވެ.

ޕީބީސީން ވަނީ އެބޯޑު އެކުލަވާލުމުގެ މަސައްކަތް ހޯމަ ދުވަހު ނިމުމާއި ގުޅިގެން، ކުންފުނިތަކަށް ސަރުކާރުން ޢައްޔަނުކުރުމަށްފޮނުވާފައިވާ ބޭފުޅުންގެ ކަންކަން ބަލައި ކުންފުނިތަކަށް އެބޭފުޅުން ޢައްޔަނު ކުރައްވަން ފައްޓަވާފައެވެ. މިގޮތުން، ކުންފުނިތަކަށް ޢައްޔަނުރެއްވުމަށް ސަރުކާރުން ފޮނުއްވާފައި ވަނީ، ތިން އަންހެން ބޭފުޅުންނާއި 19 ފިރިހެންބޭފުޅުންގެ ނަމެވެ.

ކުންފުނިތަކަށް ޢައްޔަނު ކުރެއްވި 3 އަންހެން ބޭފުޅުންނަކީ، ޕަސްބްލިކް ސަރވިސް މީޑިއާ، ޕީއެސްއެމްގެ މެނޭޖިންގ ޑައިރެކްޓަރ ގެ މަޤާމަށް އައްޔަނުކުރެއްވި ޒީނާ ޒާހިރާއި، އާސަންދަ ކުންފުނީގެ މެނޭޖިންގ ޑައިރެކްޓަރުގެ ކަމުގެ މަޤާމަށް އައްޔަނުކުރެއްވި އައިމިނަތު ޒީނިޔާއާއި، މޯލްޑިވްސް އިންޓަރގްރޭޓެޑް ޓޫރިޒަމް ޑިވެލޮޕްމެންޓް ކޯޕަރޭޝަންގެ މެނޭޖިންގ ޑައިރެކްޓަރުގެ މަޤާމަށް ޢައްޔަނުކުރެއްވި، ހައްވާ ޝިއުނާ ޚާލިދެވެ.

Advertisement

މީގެ އިތުރުން ކުންފުނިތަކަށް އައްޔަނު ކުރެއްވި ބޭފުޅުންނަކީ، 

އެމްޑަބްލިޔުއެސްސީ - އަބްދުލް މަތީން މުހައްމަދު

އެމްޓީސީސީ - އަބްދުﷲ ޒިޔާދު

ސްޓެލްކޯ - ހުސައިން ފަހުމީ

އާބަންކޯ - އިބްރާހިމް ފަޒުލް ރަޝީދު

އެމްއޭސީއެލް - އިބްރާހިމް ޝަރީފް

އެމްޕީއެލް - މުހައްމަދު ވަޖީހު އިބްރާހިމް

އެސްޓީއޯ - ޝިމާދު އިބްރާހިމް

އައިލެންޑް އޭވިއޭޝަން - އިބްރާހިމް އިޔާސް

ވެމްކޯ - މުޖުތަބާ ޖަލީލު

ފަހި ދިރިއުޅުން ކޯޕަރޭޝަން - ހަމްދާން ޝަކީލް

ހައްޖު ކޯޕަރޭޝަން - މުހައްމަދު ޝަކީލް

ޓްރޭޑްނެޓް - ސައީދާ އުމަރު

އާރުޑީސީ - ބްރިގޭޑިއާ ޖެނެރަލް (ރޓ) އަލީ ޒުހައިރު

ފެނަކަ - މުއާޒު މުހައްމަދު ރަޝީދު

ރީޖަނަލް އެއާޕޯޓްސް - އަހުމަދު މުބީން

އެމްއެފްއެމްސީ - އަހުމަދު ނާޒިމް

އެމްޓީޑީސީ - އަހުމަދު ނިޔާޒު