ސްޓޭޓް އިލެކްޓްރިކް ކޮމްޕެނީ، ސްޓެލްކޯއަށް 34 އަހަރު ޚިދުމަތްކުރެއްވި، މުޙައްމަދު ލަޠީފް ޝަރަފްވެރިކަމާއި އެކު މަޤާމުން ރިޓަޔަރ ކުރައްވައިފިއެވެ.

ސްޓްލެކޯއިން ހާމަކޮށްފައިވާ ގޮތުގައި، މުޙައްމަދު ލަޠީފް ޚިދުމަތުން ރިޓަޔާކުރައްވާފައި ވަނީ މިއަދުއެވެ. ލަޠީފް މަޤާމުން ރިޓަޔަރ ކުރެއްވި އިރު އެންމެ ފަހުން އޭނާ ހުންނެވީ، ޑެޕިއުޓީ މެނޭޖިންގ ޑިރެކްޓަރގެ މަޤާމުގައެވެ.

1989 ވަަނަ އަހަރު ޚިދުމަތާއި ގުޅިވަޑައިގެންނެވި، މުޙައްމަދު ލަޠީފް މިއަދު މަޤާމުން ރިޓަޔަރ ކުރެއްވި އިރު އޭނާ ވަނީ، އެކުންފުނީގެ އިސް ގިނަ މަޤާމުތަކެއް ފުރުއްވައި ކުންފުންޏަށް ގިނަ ގުނަ ޚިދުމަތްތަކެއްކޮށްދެއްވާފައެވެ. އަދި ސްޓެލްކޯއިން ވަނީ އޭނާގެ ޚިދުމަތް ފާހަގަކުރައްވައި ޝުކުރު އަދާކޮށްފައެވެ.