އިންޑިއާއިން ބާރަ އަހަރަށްފަހު އަމިއްލަ ގައުމުގައި ކްރިކެޓް ވޯލްޑް ކަޕް ކާމިޔާބު ކުރުމުގެ އުއްމީދާއިއެކު ނިކުތް ނަމަވެސް، ނަރެންޑްރަ މޯޑީ ސްޓޭޑިއަމްގައި އާދިއްތަ ދުވަހު ކުޅުނު މެޗުން ބަލިވެ، އެ ޓީމަށް ނާކާމިޔާބާ ކުރިމަތިލާން ޖެހިއްޖެއެވެ.

ފުރަތަމަ އިނިންގްސްގައި ކުޅެން ނިކުމެ އިންޑިއާއަށް މާގިނަ ލަނޑުތަކެއް ނުހެދުމުގެ ނަތީޖާއަކަށްވީ، އޮސްޓްރޭލިއާއިން ޖަވާބުގައި ކުޅެން ނިކުމެ 6 ވިކެޓުން މެޗު ކާމިޔާބު ކުރުމެވެ. ހުރިހާ ކުޅުންތެރިން ނުބައިވެގެން އިންޑިއާއަށް ހެދުނީ 240 ލަނޑެވެ. އޮސްޓްރޭލިއާއިން މި އަދަދު ހަމަކުރީ 43 އޯވަރުންނެވެ.

މި ކާމިޔާބީއާ އެކީ އޮސްޓްރޭލިއާ އިން މިހާރު މިވަނީ ޖުމްލަ 6 ވޯލްޑް ކަޕް ކާމިޔާބު ކޮށްފައެވެ. އިންޑިއާއަށް ޖުމްލަ 2 ވޯލްޑް ކަޕް ކާމިޔާބު ކުރެވިފައިވާއިރު، ވެސްޓް އިންޑީޒް އިން ވެސް ވަނީ 2 ވޯލްޑް ކަޕް ކާމިޔާބު ކޮށްފައެވެ.

Advertisement

މުބާރާތުގެ ފައިނަލަށް އިންޑިއާ ދަތުރުކޮށްފައިވަނީ އެއްވެސް ޓީމެއްގެ އަތުން ބަލި ނުވެއެވެ. އެގޮތުން އެ ޓީމުން ވަނީ ގްރޫޕް ސްޓޭޖްގައި 4 ވިކެޓުން އޮސްޓްރޭލިއާ ވެސް ބަލިކޮށްފައެވެ.

އޮސްޓްރޭލިއާއިން ގްރޫޕް ސްޓޭޖްގައި ދެ މެޗުން ބަލިވެފައިވެއެވެ. އެއީ އިންޑިއާ އަތުންނާއި ސައުތު އެފްރިކާ އަތުންނެވެ. އޮސްޓްރޭލިއާގެ ފަރާތުން މި މުބާރާތުގައި ފެނުނު އެންމެ ދަށް ކުޅުމެއް ފެނިގެން ދިޔަ ސައުތު އެފްރިކާ މެޗުގައި އެމީހުން ބަލިވެފައިވަނީ 7 ވިކެޓުންނެވެ.